2014- ല്‍ അഞ്ജലി മേനോന്‍ സംവിധാനം ചെയ്ത ചിത്രം ബാംഗ്ലൂര്‍ ഡേയ് സിന്‍റെ ഹിന്ദി റീമേക് വരുന്നു. 2014- ലെ തന്നെ യാരിയാന്‍ ചിത്രത്തിന്റെ രണ്ടാം ഭാഗം എന്ന നിലയിലാണ് ചിത്രത്തിന്റെ ടീസര്‍ പുറത്തു വിട്ടത്. രാധികാ റാവുവും വിനയ് സാപ്രുവും തിരക്കഥയെഴുതി സംവിധാനം ചെയ്യുന്ന ചിത്രത്തിലേക്ക് മലയാളത്തില്‍ നിന്ന് അനശ്വര രാജനും പ്രിയ വാര്യരുമാണ് നായികമാരായി എത്തുന്നത്.
ദിവ്യാ ഖോസ്ലാ കുമാര്‍, യഷ് ദാസ് ദുപ്ത, മീസാന്‍ ജാഫ്രി, വരീന ഹുസ്സൈന്‍, തുടങ്ങിയവരും പ്രധാന വേഷത്തില്‍ എത്തുന്നു. ഗാനരചന മനന്‍ ഭരദ്വാജും ഖലീഫ്, യോയോ ഹണി സിങും ചേര്‍ന്ന് ഗാനരചനയും സംഗീതവും നിര്‍വഹിക്കുന്നു. സി ആര്‍ രവി യാദവ് ഛായാഗ്രഹണവും രമേഷ് പ്രജാപതി കലാസംവിധാനവും ചെയ്യുന്നു.
