‘ഈ വലയം’ തിയ്യേറ്ററുകളിലേക്ക്

രേവതി എസ്. വർമ്മ കഥയെഴുതി സംവിധാനം ചെയ്യുന്ന ഏറ്റവും പുതിയ ചിത്രം ‘ഈ വലയം’ മെയ്- 30 നു തിയ്യേറ്ററുകളിലേക്ക്. ചിത്രീകരണം കൊച്ചിയിൽ പൂർത്തിയായി. ജി ഡി എസ് എൻ എന്റർടയിമെന്റ്സിന്റെ ബാനറിൽ ജോബി ജോയ് വിലങ്ങൻപാറ നിർമ്മിക്കുന്ന ചിത്രമാണിത്. റാഞ്ചി പണിക്കർ, നന്ദു, മുത്തുമണി, ആഷ് ലി ഉഷ, ശാലു റഹീം, സാന്ദ്ര നായർ, മാധവ് ഇളയിടം, അനീസ് എബ്രഹാം, വിനോദ് തോമസ്, മാധവ്, ഗീത മാത്തൻ, അക്ഷയ് പ്രശാന്ത്, സീദ, ജോപ്പയി, കിഷോർ പീതാംബരൻ, ജയന്തി, കുമാർ, എന്നിവർ ചിത്രത്തിൽ അഭിനയിക്കുന്നു. ശ്രീജിത്ത് മോഹന്റെതാണ് തിരക്കഥയും സംഭാഷണവും. ഛായാഗ്രഹണം അരവിന്ദ് കെ. വരികൾ റഫീഖ് അഹമ്മെദ്, സംഗീതം ജെറി അമൽദേവ്, എഡിറ്റിങ് ശശികുമാർ.