മുഷ്ത്താൻ റഹ്മാൻ കരിയാടൻ സംവിധാനം ചെയ്ത് ഗായത്രി സുരേഷ് പ്രധാന വേഷത്തിൽ എത്തുന്ന ചിത്രം അഭിരാമി ചിത്രത്തിന്റെ ടീസർ പുറത്തിറങ്ങി. ചിത്രത്തിലെ ടൈറ്റിൽ റോളിൽ തന്നെയാണ് ഗായത്രി സുരേഷ് എത്തുന്നത്. എം ജെ എസ് മീഡിയയുടെയും സ്പെക്ടാക് മൂവീസിന്റെയും കോപ്പർനിക്കസ് പ്രൊഡക്ഷൻസിന്റെയും ബാനറിൽ മധു കുറുവത്ത്, സന്തോഷ് രാധാകൃഷ്ണൻ, ഷബീക്ക് തയ്യിൽ എന്നിവരാണ് ചിത്രത്തിന്റെ നിർമാണം. 123 മ്യൂസിക്കിന്റെ യുട്യൂബ് ചാനലിലൂടെയാണ് ട്രയിലർ പുറത്തിറക്കിയത്. ജൂൺ ഏഴിനാണ് ചിത്രം തിയ്യേറ്ററുകളിൽ പ്രദർശനത്തിന് എത്തുക. സോഷ്യൽ മീഡിയയിലൂടെ വൈറലായ ഒരുപെൺകുട്ടിയുടെ ജീവിതകഥയാണ് പ്രമേയം.
ഹരികൃഷ്ണൻ, സഞ്ജു ഫിലിപ്പ്, കെ കെ മൊയിതീൻ കോയ, അമേയ, ശ്രീകാന്ത് മുരളി, നവീൻ ഇല്ലത്ത്, അഷ്റഫ് കളപ്പറമ്പിൽ, സൽമൺ പുന്നയ്ക്കൽ, സാഹിത്യ പി രാജ്, സാറാ സിറിയക്, അയേഷ് അബ്ദുൽ ലത്തീഫ്, കബീർ അവറാൻ, തുടങ്ങിയവർ മറ്റ് പ്രധാന കഥാപാത്രങ്ങളായി എത്തുന്നു. മാധ്യമ പ്രവർത്തകനായ വഹീദ് സമാനാണ് രചന. ക്യാമറ ശിഹാബ് ഓങ്ങല്ലൂർ, സംഗീതം സിബു സുകുമാരൻ.
