തെലുങ്കിലേക്ക് റീമേക്കിനൊരുങ്ങി ‘ബ്രോ ഡാഡി’

മലയാളത്തില്‍ മോഹന്‍ലാല്‍ അച്ഛനും മീന അമ്മയും പൃഥിരാജ് മകനുമായി അഭിനയിച്ച ചിത്രം ബ്രോ ഡാഡി തെലുങ്കിലേക്ക് റീമേക്ക് ചെയ്യാന്‍ ഒരുങ്ങുകയാണ് ചിരഞ്ജീവി. ലൂസിഫറിന് ശേഷം ചിരഞ്ജീവി ഒരുക്കുന്ന അടുത്ത ചിത്രമാണ് ബ്രോ ഡാഡി. മലയാളത്തില്‍ ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മ്മിച്ചത്. ചിത്രത്തില്‍ നായികമാരായി എത്തിയത് മീനയും കല്യാണി പ്രിയദര്‍ശനുമാണ്. കല്യാണ്‍ കൃഷ്ണയാണ് തെലുങ്കില്‍ ഈ ചിത്രം ഒരുക്കുന്നത്. ഇവര്‍ ഒരുക്കിയ ബംഗരാജു ശ്രദ്ധേയമായ സിനിമയാണ്. ചിത്രത്തില്‍ മീനയുടെ കഥാപാത്രമായി തൃഷയും പൃഥിരാജിന്‍റെ കഥാപാത്രമായി ശര്‍വാനന്ദും കല്യാണി പ്രിയദര്‍ശന്‍റെ കഥാപാത്രമായി ശ്രീ ലീലയും എത്തുന്നു. തെലുങ്കില്‍ അമ്മയും മകനുമായി അഭിനയിക്കുന്ന തൃഷയുടെയും ശര്‍വാനന്ദയുടെയും പ്രായമാണ് ഇപ്പോള്‍ ചൂടേറിയ ചര്‍ച്ചാവിഷയം.