ശിവൻകുട്ടന്റെ കഥയിൽ ജെസ്പാൽ ഷൺമുഖൻ സംവിധാനം ചെയ്യുന്ന ഏറ്റവും പുതിയ ചിത്രം ‘സ്വർഗ്ഗത്തിലെ കട്ടുറുമ്പ്’ പോസ്റ്റർ പുറത്തിറങ്ങി. ചിത്രം മെയ് മാസം തിയ്യേറ്ററുകളിൽ പ്രദർശനത്തിന് എത്തും. ചിത്രത്തിന്റെ തിരക്കഥ വിജു രാമചന്ദ്രന്റേതാണ്. തൊടുപുഴയിലെ ഗ്രാമമാന്തരീക്ഷമാണ് ചിത്രത്തിലെ പ്രധാന ആകർഷണം.
അപ്പാനി ശരത്, ശിവൻകുട്ടൻ, അംബിക മോഹൻ, നാരായണൻ കുട്ടി, ശ്രീകാന്ത് മുരളി, ജോയ് മാത്യു, ഗൌരി നന്ദ, ചെമ്പിൽ അശോകൻ, മഹേശ്വരി അമ്മ, പാഷാണം ഷാജി, പുന്നപ്ര അപ്പച്ചൻ, സുധി കൊല്ലം, നിർമ്മൽ പാലാഴി, ചിഞ്ചു പോൾ, ജയകൃഷ്ണൻ, ഉല്ലാസ് പന്തളം, ചാലിപാലാ, കോബ്ര രാജേഷ്, രഞ്ജിത് കലാഭവൻ, റിയ രഞ്ജൂ, രാജേഷ് പറവൂർ തുടങ്ങിയവർ പ്രധാന കഥാപാത്രങ്ങളായി എത്തുന്നു. അന്തരിച്ച നടൻ കൊല്ലം സുധി ഒടുവിലഭിനയിച്ച സിനിമകളിൽ ഒന്നാണ് സ്വർഗ്ഗത്തിലെ കട്ടുറുമ്പ്. ഛായാഗ്രഹണം അശ്വഘോഷൻ, വരികൾ സന്തോഷ് വർമ്മ, സംഗീതം ബിജിപാൽ.
