സിനിമ- നാടക നടൻ എ. പി ഉമ്മർ അന്തരിച്ചു

സിനിമയിലും നാടകത്തിലും നിറസാന്നിദ്ധ്യമായിരുന്ന നടൻ എ. പി. ഉമ്മർ അന്തരിച്ചു. 89- വയസ്സായിരുന്നു. രചയിതാവ്, നാടക- സിനിമ നടൻ എന്നീ നിലകളിൽ ശ്രദ്ധേയനായിരുന്നു. വീട്ടിൽ വെച്ചായിരുന്നു അന്ത്യം. ‘ഒരു വടക്കൻ വീരഗാഥ’യിൽ കൊല്ലനായി അഭിനയിച്ച ഉമ്മറിന്റെ കഥാപാത്രം ശ്രദ്ധേയമായിരുന്നു. ‘അന്യരുടെ ഭൂമി’ എന്ന ചിത്രത്തിലൂടെയാണ് സിനിമയിലേക്ക് രംഗപ്രവേശം ചെയ്തത്. തുടർന്ന് അദ്ദേഹം നിരവധി ടെലിവിഷൻ പരമ്പരകളിലും അൻപതോളം സിനിമകളിലും കഥാപാത്രമായി എത്തി. 2021- ആഹ്വാൻ സെബാസ്റ്റ്യൻ അവാർഡ് നേടി. പരേതയായ നടി കോഴിക്കോട് ശാരദയാണ് ഭാര്യ. മക്കൾ: ഉമദ, സജീവ്, രജിത, അബ്ദുൽ അസീസ്.