ക്രൈം ഡ്രാമ മൂവി വേലയുടെ ടീസര്‍ പുറത്തിറങ്ങി. ചിത്രത്തില്‍ പോലീസുകാരനായ ഉല്ലാസ് എന്ന കഥാപാത്രമായി ഷെയിന്‍ നിഗവും മല്ലികാര്‍ജ്ജുനനായി സണ്ണി വെയ് നും ആണ് എത്തുന്നത്. പ്രതിയോഗികളായ രണ്ട് പോലീസ് ഉദ്യോഗസ്ഥരുടെ കഥ പറയുന്ന ചിത്രമാണ് വേല. ചുരുങ്ങിയ സമയങ്ങള്‍ക്കുള്ളില്‍ തന്നെ ട്രയിലര്‍ പ്രേക്ഷകര്‍ ഏറ്റെടുത്തു. യൂട്യൂബില്‍ ട്രെന്‍ഡിങ് ലിസ്റ്റില്‍ വേലയുടെ ടീസര്‍ മുന്‍നിരയില്‍ ഇടംനേടിക്കഴിഞ്ഞു.
സിന്‍സില്‍ സെല്ലുലോയിഡിന്‍റെ ബാനറില്‍ എസ് ജോര്‍ജ്ജ് നിര്‍മ്മിക്കുന്ന ചിത്രത്തില്‍ സിദ്ധാര്‍ഥ് ഭരതനും അതിഥി ബാലനും മുഖ്യകഥാപാത്രങ്ങളായി എത്തുന്നു. വേലയുടെ സംവിധാനം ശ്യാം ശശിയും തിരക്കഥ എം സജാസും നിര്‍വഹിക്കുന്നു. ദുല്‍ഖര്‍ സല്‍മാന്‍റെ വെഫെയര്‍ ഫിലിംസ് കേരളത്തിലെ തിയ്യേറ്ററുകളിലേക്ക് വേല പ്രദര്‍ശനത്തിന് എത്തിക്കും. ഛായാഗ്രഹണം സുരേഷ് രാജനും മ്യൂസിക് സാം സി എസും നിര്‍വഹിക്കുന്നു.
