ഒരു വൃദ്ധസദനത്തിൽ വെച്ച് നടക്കുന്ന പ്രണയ കഥ പറഞ്ഞ് അഭിജിത്ത് അശോകൻ തിരക്കഥ എഴുതി സംവിധാനം ചെയ്യുന്ന ചിത്രത്തിന്റെ ഒഫീഷ്യൽ ട്രയിലർ ലോഞ്ച് പത്തനാപുരം ഗാന്ധിഭവൻ ഇന്റർനാഷണൽ ട്രസ്റ്റിൽ വെച്ച് ഫെബ്രുവരി 14 പ്രണയദിനത്തിൽ നടന്നു. 40 വർഷം ജൂനിയർ ആർട്ടിസ്റ്റായി മലയാള സിനിമയിലുള്ള കോഴിക്കോട് ജയരാജിന്റെ ആദ്യ നായക വേഷമാണ് ചിത്രത്തിൽ. തമിഴിലെ പ്രശസ്ത നടിയും നർത്തകിയുമായ പത്മശ്രീ ലീല സാംസൺ നായികയായി എത്തുന്നു.
അനു സിതാര, പൌളി വത്സൻ, ഇർഷാദ് അലി, ദീപക് പറമ്പോൽ, നോബി മാർക്കോസ്, അംബി നീനാസം, നന്ദൻ ഉണ്ണി, സ ജാദ് ബറൈറ്റ് എന്നിവർ മറ്റ് കഥാപാത്രങ്ങളായി എത്തുന്നു. വർദ്ധക്യത്തിലും ഗാന്ധിഭവനിൽ ഒരുമിച്ച് കഴിയുന്ന സുലോചനയെയും രാജനെയും ആദരിച്ചു കൊണ്ടാണ് പ്രണയ ദിനത്തിൽ ട്രയിലർ റിലീസായത്. ചിത്രം ഉടൻ തിയ്യേറ്ററുകളിലേക്ക് എത്തും.
