രസകരമായ ട്രയിലറുമായി എത്തിയിരിക്കുകയാണ് ‘അയ്യർ ഇൻ അറേബ്യ’യുടെ അണിയറ പ്രവർത്തകർ. ഫെബ്രുവരി 2 ന് ചിത്രം തിയ്യേറ്ററുകളിൽ എത്തും. എം എ നിഷാദ് ആണ് അയ്യർ ഇൻ അറേബ്യയുടെ തിരക്കഥയും സംവിധാനവും. ഒരുപോലെ കുടുംബ ചിത്രവും കോമഡി എന്റർടൈമെന്റ് മൂവിയും കൂടിയാണ് അയ്യർ ഇൻ അറേബ്യ. ധ്യാൻ ശ്രീനിവാസൻ, മുകേഷ്, ഉർവശി, ഷൈൻ ടോം ചാക്കോ, ദുർഗ്ഗ കൃഷ്ണ തുടങ്ങിയവർ കേന്ദ്ര കഥാപാത്രങ്ങളായി എത്തുന്നു.
എം എ നിഷാദ് തിരക്കഥയും സംവിധാനവും നിർവഹിക്കുന്ന ചിത്രത്തിൽ മണിയൻ പിള്ള രാജു, സുധീർ കരമന, ഉമ നായർ, കൈലാഷ്, സിനോജ് സിദ്ദിഖ്, രശ്മി അനിൽ, ജാഫർ ഇടുക്കി, സോഹൻ സീനുലാൽ, നാൻസി, സൌമ്യ, ബിന്ദു പ്രദീപ്, ശ്രീലത നമ്പൂതിരി, ഉല്ലാസ് പന്തളം, തുടങ്ങിയവരും ചിത്രത്തിൽ അഭിനയിക്കുന്നു. വെൽത്ത് ഐ പ്രൊഡക്ഷൻസിന്റെ ബാനറിൽ വിഘ്നേഷ് വിജയകുമാർ ആണ് ചിത്രം നിർമ്മിക്കുന്നത്. ഛായാഗ്രഹണം സിദ്ധാർഥ് രാമസ്വാമിയും വിവേക് മേനോനും, സംഗീതം ആനന്ദ് മധുസൂദനൻ, ഗാനരചന പ്രഭ വർമ്മ, റഫീഖ് അഹമ്മദ്, എഡിറ്റിങ് ജോൺകുട്ടി.
