‘രണ്ടാം മുഖം’ തിയ്യേറ്ററുകളിലേക്ക്

കൃഷ്ണജിത്ത് എസ്. വിജയൻ സംവിധാനം ചെയ്ത് മണികണ്ഠൻ ആചാരി പ്രധാന വേഷത്തിൽ എത്തുന്ന സാമൂഹ്യ പ്രസക്തിയുള്ള ചിത്രം ‘രണ്ടാം മുഖം’ അടുത്ത മാസം തിയ്യേറ്ററുകളിൽ പ്രദർശനത്തിന് എത്തും. യു കമ്പനിയുടെയും കണ്ടാ ഫിലിംസിന്റെയും ബാനറിൽ ഈ ചിത്രം നിർമ്മിക്കുന്നത് കെ ടി രാജീവും കെ ശ്രീവർമ്മയും ചേർന്നാണ്. കൂടാതെ മെറീന മൈക്കിളും അഞ്ജലി നായരും മറ്റ് പ്രധാനകഥാപാത്രങ്ങളായി ചിത്രത്തിൽ എത്തുന്നുണ്ട്. കോട്ടയം സോമരാജ്, വിനോദ് തോമസ്, പരസ്പരം പ്രദീപ്, ബിറ്റോ ഡേവിസ്, സൂഫി സുധീർ, അമൃത രാജീവ്, ജിജ സുരേന്ദ്രൻ, രേവതി ശാരി, കെ ടി രാജീവ്, നന്ദൻ ഉണ്ണി, തുടങ്ങിയവരും ചിത്രത്തിൽ അഭിനയിക്കുന്നുണ്ട്. കെ. ശ്രീവർമ്മയാണ് ചിത്രത്തിന് തിരക്കഥ ഒരുക്കിയിരിക്കുന്നത്.  എഡിറ്റിങ് ഹരീ മോഹൻദാസ്, സംഗീതം രാജേഷ് ബാബു കെ. ശൂരനാട്, ഗാനരചന ബാപ്പു വാവാട്, നിഷാന്ത് കോടമന.