മോഹൻലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രം മലൈക്കോട്ടൈ വാലിബാന്റെ ഓഡിയോ ടീസർ ലോഞ്ച് ജനുവരി 18 ന്. ഓഡിയോ ടീസർ ലോഞ്ചിന് പങ്കെടുക്കാൻ പ്രേക്ഷകർക്കും അവസരമൊരുക്കുകയാണ്. ഡിഎൻഎഫ്ടി നേടിയ ആളുകൾക്കെല്ലാം പരിപാടിയിൽ പങ്കെടുക്കുവാൻ സാധിക്കും. ഇതിനായി www.dnft.global എന്ന വെബ്സൈറ്റ് വഴി ഡിഎൻഎഫ്ടി നേടാം.
യു കെ മലയാളിയും അഭിഭാഷകനുമായ സുഭാഷ് മാനുവലിന്റെ ഉടമസ്ഥതയിലുള്ള ടെക് ബാങ്ക് മൂവീസ് ലണ്ടൻ എന്ന കമ്പനിയാണ് ഈ സംവിധാനം ആദ്യമായി കൊണ്ട് വന്നത്. ആഗോള സിനിമ വ്യവസായത്തിന് ഒരു നൂതന സാമ്പത്തിക സ്രോതസും വിർച്ച്വൽ ലോകത്ത് അമൂല്യമായ സൃഷ്ടികൾ സ്വന്തമാക്കുവാനുമുള്ള മാർഗ്ഗം കൂടിയാണ് ഡിഎൻഎഫ്ടി.
