മുഹമ്മദ് മുസ്തഫ ചിത്രം ‘മുറ’ ചിത്രീകരണം പൂർത്തിയായി

എച്ച് ആർ പിക്ചേഴ്സിന്റെ ബാനറിൽ റിയാസ് ഷിബു നിർമ്മിച്ച് മുഹമ്മദ് മുസ്തഫ സംവിധാനം ചെയ്യുന്ന ചിത്രം മുറയുടെ ചിത്രീകരണം പൂർത്തിയായി. 57 ദിവസങ്ങളായിരുന്നു ചിത്രത്തിന്റെ ഷൂട്ടിംഗ്. തിരുവനന്തപുരം, തെങ്കാശി, ബാംഗ്ലൂർ, മധുരൈ എന്നീ ഇടങ്ങളിൽ ഷൂട്ടിംഗ് നടന്നു. ടെലിവിഷൻ പരിപാടിയായ ഉപ്പും മുളകി’ലെ ഫെയിം സുരേഷ് ബാബുവിന്റേതാണ് രചന. സുരാജ് വെഞ്ഞാറമ്മൂട്, മാല പാർവതി, ഹ്രിദ്ദു ഹാറൂൺ, ജോബിൻ ദാസ്, സിബി ജോസഫ്, കനി കുസൃതി, അനൂജിത് കണ്ണൻ, വിഘ്നേശ്വർ സുരേഷ്, യെദു കൃഷ്ണ, തുടങ്ങിയവർ പ്രധാന കഥാപാത്രങ്ങളായി എത്തുന്നു. ഛായാഗ്രഹണം ഫാസിൽ നാസർ, എഡിറ്റിങ് ചമൻചാക്കോ, സംഗീതം ക്രിസ്റ്റി ജോബി.