നവാഗതനായ വിഷ്ണു രവി ശക്തി സംവിധാനം ചെയ്ത് ട്രിയനി പ്രൊഡക്ഷന്‍സിന്‍റെ ബാനറില്‍ പുറത്തിറങ്ങുന്ന ചിത്രം മാംഗോ മുറിയുടെ ഫസ്റ്റ് ലുക് പോസ്റ്റര്‍ വിനീത് ശ്രീനിവാസനും ബേസിലും ചേര്‍ന്ന് റിലീസ് ചെയ്തു. ജാഫര്‍ ഇടുക്കിയും അര്‍പ്പിത് പി ആറും പ്രധാന കഥാപാത്രങ്ങളായി എത്തുന്ന ചിത്രത്തില്‍ പുതുമുഖം സ്വിയ നായികയായി എത്തുന്നു. തികച്ചും സവിശേഷമായ കഥയുമായാണ് സിനിമയും പോസ്റ്ററും ഒരുങ്ങുന്നത്.
ചിത്രത്തിന്‍റെ സംവിധായകന്‍ വിഷ്ണു രവി ശക്തിയുടെ കഥയ്ക്ക് തോമസ് സൈമണും വിഷ്ണു രവി ശക്തിയും ചേര്‍ന്ന് നിര്‍വഹിക്കുന്നു. സിബി തോമസ്, ടിറ്റോ വില്‍സണ്‍, ശ്രീകാന്ത് മുരളി, ലാലി പി എം, ബിനു മണമ്പൂര്‍, അജിഷാ പ്രഭാകരന്‍, കണ്ണന്‍ സാഗര്‍, ജോയ് അറക്കളം, അഞ്ജന, ശ്രീകുമാര്‍ കണക്ട് പ്ലസ്, തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളായി എത്തുന്നു. ഛായാഗ്രഹണം സതീഷ് മനോഹറും സംഗീതം ഫോര്‍ മ്യൂസിക്കും എഡിറ്റിങ് ലിബിന്‍ ലീയും ഗാനരചന സാം മാത്യുവും വിഷ്ണു രവി ശക്തിയും നിര്‍വഹിക്കുന്നു
