‘കണ്ണൂർ സ്ക്വാഡി’ന്റെ വമ്പൻ വിജയത്തിന് ശേഷം മമ്മൂട്ടിയുടെ അടുത്ത ചിത്രം ‘കാതൽ ദി കോറി’ന്റെ പുത്തൻ ട്രെയിലർ പുറത്തിറങ്ങി. തെന്നിന്ത്യൻ സൂപ്പർ താരം ജ്യോതിക നായികയായി എത്തുന്ന ചിത്രം സംവിധാനം ചെയ്യുന്നത് ജിയോ ബേബിയാണ്. ചിത്രത്തിൽ മാത്യൂസ് ദേവസ്സി എന്ന കഥാപാത്രമായാണ് മമ്മൂട്ടി എത്തുന്നത്. കുടുംബ പശ്ചാത്തലത്തിൽ മമ്മൂട്ടി കമ്പനിയുടെ ബാനറിൽ ഒരുങ്ങുന്ന ചിത്രത്തിന് തിരക്കഥ ഒരുക്കിയിരിക്കുന്നത് ആദർശ് സുകുമാരനും പോൾസൺ സക്കറിയയും ചേർന്നാണ്. നീണ്ട ഇടവേളയ്ക്ക് ശേഷം ജ്യോതിക മലയാളത്തിൽ അഭിനയിക്കുന്ന സിനിമ കൂടിയാണ് കാതൽ ദി കോർ. ഒടുവിലായി ജ്യോതിക അഭിനയിച്ച മലയാള സിനിമ 2009- ൽ പുറത്തിറങ്ങിയ ‘സീതാകല്യാണം’ ആണ്.
ചിത്രത്തിൽ സുധി കോഴിക്കോട്, അലിസ്റ്റർ അലക്സ്, ആദർശ് സുകുമാരൻ, അനഘ അക്കു, ചാന്ദ്നി, മുത്തുമണി, ജോസി സിജോ, തുടങ്ങിയവർ ചിത്രത്തിൽ പ്രധാന വേഷത്തിൽ അഭിനയിക്കുന്നു. ഛായാഗ്രഹണം സാലു കെ തോമസ്, എഡിറ്റിങ് ഫ്രാൻസിസ് ലൂയിസ്, സംഗീതം മാത്യൂസ് പുളിക്കൽ, ഗാനരചന അൻവർ അലി. നവംബർ 23- ന് ചിത്രം തിയ്യേറ്ററുകളിലേക്ക് എത്തും.
