ഫാമിലി എന്റർടൈമെന്റ് മൂവി ‘ശേഷം മൈക്കിൽ ഫാത്തിമ’ യുടെ പുതിയ ട്രെയിലർ പുറത്തിറങ്ങി. ചിത്രത്തിൽ ഫുഡ്ബാൾ കമന്റേറ്ററായാണ് കല്യാണി എത്തുന്നത്. മനു സി കുമാർ സംവിധാനം ചെയ്യുന്ന ചിത്രത്തിന്റെ മുൻപ് ഇറങ്ങിയ ടീസർ ശ്രദ്ധേയമായിരുന്നു. ലിയോ, ജയിലർ തുടങ്ങിയ ചിത്രത്തിന് ശേഷം ഗോകുലം മൂവീസ് റിലീസ് ചെയ്യുന്ന ‘ശേഷം മൈക്കിൽ ഫാത്തിമ’ കേരളത്തിൽ ഗോകുലം മൂവീസിന്റെ ഡിസ്ട്രിബ്യൂഷൻ പാർട്നേഴ്സ് ആയ ഡ്രീം ബിഗ് ഫിലിംസാണ് വിതരണം ചെയ്യുന്നത്.
ചിത്രത്തിൽ സുധീഷ്, മാല പാർവതി, സരസ ബാലുശ്ശേരി, ഷഹീൻ സിദ്ദിഖ്, ഫെമിന, അനീഷ് ജി മേനോൻ, ഷാജു ശ്രീധർ, പ്രിയ ശ്രീജിത്ത്, സാബു മോൻ, തെന്നൽ, വാസുദേവ് തുടങ്ങിയവരും വേഷമിടുന്നു. ദി റൂട്ട്, പാഷൻ സ്റ്റുഡിയോസ്, തുടങ്ങിയവയുടെ ബാനറിൽ ജഗദീഷ് പളനി സ്വാമിയും സുധൻ സുന്ദരവും ചേർന്ന് നിർമ്മിക്കുന്നു. ഛായാഗ്രഹണം സന്താന കൃഷ്ണൻ, സംഗീതം ഹിഷാം അബ്ദുൽ വഹാബ്, എഡിറ്റിങ് കിരൺ ദാസ്.
