ബേസിലും മാത്യുതോമസും ഒന്നിക്കുന്ന ‘കപ്പ്’; ഫസ്റ്റ് ലുക്ക് പോസ്റ്റർ പുറത്ത്

ബേസിലും മാത്യു തോമസും പ്രധാന റോളിൽ എത്തുന്ന  ‘കപ്പി’ന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. വെള്ളത്തൂവൽ എന്ന ഗ്രാമത്തിലെ പതിനാറുകാരനായ നിധിൻ ബാഡ്മിന്റണിൽ ഇടുക്കി ജില്ലയുടെ വിന്നിങ് കപ്പ് സ്വന്തമാക്കുവാനുള്ള പരിശ്രമങ്ങളുടെ കഥയാണ് ചിത്രത്തിൽ. ബാഡ്മിന്റൺ താരമായ നിധിൻ ആയാണ് ചിത്രത്തിൽ മാത്യു തോമസ് എത്തുന്നത്. അനന്യ ഫിലിംസിന്റെ ബാനറിൽ ആൽവിൻ ആൻറണി & ഏഞ്ചലീന മേരി നിർമ്മിച്ച് അൽഫോൺസ് പുത്രൻ അവതരിപ്പിക്കുന്ന ചിത്രം സംവിധാനം ചെയ്യുന്നത് സഞ്ജു വി സാമൂവലാണ്. ചിത്രത്തിൽ നിധിന്റെ അച്ഛൻ ബാബുവായി ഗുരുസോമസുന്ദരവും അമ്മയായി തുഷാര പിള്ളയും ചേച്ചിയായി മൃണാളിനി സൂസന് ജോർജ്ജും എത്തുന്നു. റനീഷ് എന്ന മറ്റൊരു പ്രധാന കഥാപാത്രമായാണ് ബേസിൽ എത്തുന്നത്. അനിഖ സുരേന്ദ്രനും റിയാ ഷിബുവും നായികമാരായി എത്തുന്നു. ചിത്രത്തിൽ നമിത പ്രമോദും മറ്റൊരു പ്രധാന വേഷത്തിൽ എത്തുന്നുണ്ട്. കാർത്തിക് വിഷ്ണു, രഞ്ജിത് രാജൻ, അൽത്താഫ്  മനാഫ്, ചെമ്പിൽ അശോകൻ, നന്ദിനി ഗോപാലകൃഷ്ണൻ, ആൽവിൻ ജോൺ ആൻറണി, ഐ വി ജുനൈസ്, സന്തോഷ് കീഴാറ്റൂർ, ജൂഡ് ആൻറണി ജോസഫ്, ആനന്ദ് റോഷൻ, മൃദുൽ പാച്ചു, നന്ദു പൊതുവാൾ, തുടങ്ങിയവർ മറ്റ് പ്രധാന വേഷങ്ങളിൽ എത്തുന്നു. തിരക്കഥ അഖിലേഷ് ലതാരാജൻ, ഡെൻസൻ ഡ്യൂറോം. സംഗീതം ഷാൻ റഹ്മാൻ, ഗാനരചന മനു മഞ്ജിത്ത്, ആർ സി, എഡിറ്റിങ് റെക്സൺ ജോസഫ്, പശ്ചാത്തല സംഗീതം ജിഷ്ണു തിലക്.