പ്രേക്ഷകരെ ചിരിപ്പിക്കാൻ എത്തുന്നു ‘പവി കെയർ ടേക്കർ’; ട്രയിലർ പുറത്ത്

ദിലീപിനെ നായകനാക്കി വിനീത് കുമാർ സംവിധാനം ചെയ്യുന്ന ഏറ്റവും പുതിയ ചിത്രം ‘പവി കെയർ ടേക്കർ’ മൂവിയുടെ പുതിയ ട്രയിലർ പുറത്തിറങ്ങി. ഏപ്രിൽ 26- ന് ചിത്രം തിയ്യേറ്ററുകളിൽ പ്രദർശനത്തിന് എത്തും. തിയ്യേറ്റർ ഓണർസിന്റെ സംഘടന ഫിയോസ് ആദ്യമായി വിതരണത്തിന് എത്തിക്കുന്ന ചിത്രം കൂടിയാണ് ‘പവി കെയർ ടേക്കർ’. ഒരു തമാശ ചിത്രം കൂടിയാണിത്. രാജേഷ് രാഘവൻ തിരക്കഥയെഴുതി ഗ്രാൻഡ് പ്രൊഡക്ഷൻസിന്റെ ബാനറിൽ ദിലീപ് ആണ് നിർമ്മാണം.

ജോൺ ആൻറണി, ധർമ്മജൻ ബോൾഗാട്ടി, രാധിക ശരത് കുമാർ, സ്ഫടികം ജോർജ്ജ്, ജൂഹി ജയകുമാർ, ദിലീന രാമകൃഷ്ണൻ, സ്ഫടികം ജോർജ്ജ്, സ്വാതി, റോസ്മിൻ, അഭിഷേക് ജോസഫ്, മാസ്റ്റർ ശ്രീപത്, ജിനു ബൻ, ദീപു പണിക്കർ, ഷൈജു അടിമാലി, ഷാഹിർ കബീർ തുടങ്ങി നിരവധി പേര് ചിത്രത്തിൽ കഥാപാത്രങ്ങളായി അണിനിരക്കുന്നു. ഛായാഗ്രഹണം സനു താഹിർ, എഡിറ്റിങ് ദീപു ജോസഫ്, സംഗീതം മിഥുൻ മുകുന്ദൻ, ഗാനരചന ഷിബു ചക്രവർത്തി, വിനായക് ശശികുമാർ.