പ്രശസ്ത നടി പുഷ്പലത അന്തരിച്ചു

പ്രശസ്ത തെന്നിന്ത്യൻ നടി പുഷ്പലത അന്തരിച്ചു. 87- വയസ്സായിരുന്നു. ഏറെനാൾ ചികിത്സയിലായിരുന്നു. ചെന്നൈ ടി നഗറിലെ വസതിയിൽ വെച്ചായിരുന്നു അന്ത്യം. തമിഴ്, മലയാളം, തെലുങ്ക്, കന്നഡ എന്നീ ഭാഷകളിലെ സിനിമകളിൽ നിരവധി കഥാപാത്രങ്ങളായി വെള്ളിത്തിരയിൽ എത്തി. തമിഴ് ചിത്രമായ 1958- ൽ പുറത്തിറങ്ങിയ ‘സെങ്കോട്ട സിങ്കം’ എന്ന തമിഴ് സിനിമയിലൂടെ അരങ്ങേറ്റം കുറിച്ചു. മലയാളത്തിൽ ആദ്യമായി അഭിനയിച്ചത് 1969- തിക്കുറുശ്ശി സുകുമാരൻ നായർ സംവിധാനം ചെയ്ത ‘നേഴ്സ്’ എന്ന ചിത്രത്തിലൂടെയാണ്. 1999- ൽ ശ്രീഭാരതി സംവിധാനം ചെയ്ത പൂവാസം എന്ന സിനിമയിൽ അവസാനമായി അഭിനയിച്ചു.  എം ജി ആർ, ശിവാജി ഗണേശൻ, രജനീകാന്ത് എന്നിവരുടെ നായികയായും അഭിനയിച്ചിട്ടുണ്ട്. നടനും നിർമാതാവുമായ എ. വി. എം രാജനാണ് ഭർത്താവ്.