അതിഥിതൊഴിലാളികളുടെ പ്രശ്നങ്ങളും കേരളത്തിലെ ഗ്രാമീണ ജീവിത സംഘര്‍ഷങ്ങളും പ്രമേയമായി വരുന്ന ചിത്രം ‘അവകാശികള്‍’ പ്രദര്‍ശനം തുടരുന്നു. അഭിനയ ജീവിതത്തില്‍ 50 വര്‍ഷം പൂര്‍ത്തിയാക്കുന്ന ടി ജി രവിയുടെ 250- മത്തെ ചിത്രമാണ് അവകാശികള്‍. ചിത്രം ഐസ്ട്രീം, ഒ ടി ടി പ്ലാറ്റ്ഫോമുകളിലൂടെയാണ് പ്രദര്‍ശനത്തിന് എത്തിയിരിക്കുന്നത്.
കേരള സംസ്ഥാന ചലച്ചിത്ര അക്കാദമി അംഗം എന്‍ അരുണ്‍ സംവിധാനം ചെയ്ത ചിത്രത്തില്‍ ടി ജി രവി, ഇര്‍ഷാദ്, സോഹന്‍ സീനു ലാല്‍, ജയരാജ് വാരിയര്‍, വിനയ്, ബേസില്‍ പാമ, സാജു നവോദയ, അഞ്ജു അരവിന്ദ്, അനൂപ് ചന്ദ്രന്‍, കുക്കു പരമേശ്വരന്‍, എം എ നിഷാദ്, വാല്‍ക്കണ്ണാടി ജോയ്, തുടങ്ങിയ താരങ്ങളും അണിനിരക്കുന്നു. ആയില്യന്‍ കരുണാകരനും വിനു പട്ടാട്ടും ആണ് ഛായാഗ്രഹണം. എഡിറ്റിങ് അഖില്‍ ആര്‍, റഫീഖ് അഹമ്മദ്, കൌസ്തവ് ഭരദ്വാജ്, പാര്‍വതി ചന്ദ്രന്‍ എന്നിവരുടെ വരികള്‍ക്ക് മിനിഷ് തമ്പാന്‍, ബാബാജിത് സംഗീതം നല്‍കുന്നു.
