പത്രപ്രവർത്തകനും നടനുമായ വേണുജി അന്തരിച്ചു

പത്രപ്രവർത്തകനും സീരിയൽ- ചലച്ചിത്ര താരവും നടകനടനുമായ വേണു ജി എന്ന ജി. വേണുഗോപാൽ അന്തരിച്ചു. 65 വയസ്സായിരുന്നു. കേരളപത്രികയുടെ സബ് എഡിറ്റർ ആയിരുന്നു ഇദ്ദേഹം. വൃക്കസംബന്ധമായ അസുഖത്താൽ ഏറെനാളുകളായി ചികിത്സയിൽ ആയിരുന്നു. ഗൌരിശങ്കരം, സായ് വർ തിരുമേനി, കൃഷ്ണ ഗോപാലകൃഷ്ണാ, മേഘസന്ദേശം, ഡിറ്റക്ടീവ് ആനന്ദ്, കായംകുളം കൊച്ചുണ്ണി, ഓമനത്തിങ്കൾ പക്ഷി, ആഡ്യകവി തോലൻ, ആസ്ഥാന വിദൂഷകൻ, താമരക്കുഴലി, തെയ്യം, തുടങ്ങി നിരവധി സിനിമകളിലും സീരിയലുകളിലും നാടകങ്ങളിലും ശ്രദ്ധേയ വേഷങ്ങൾ ചെയ്തു. കിഷൻ കർത്ത സംവിധാനം ചെയ്ത അംശിനി എന്ന ഹിന്ദി സിനിമയിൽ നായകനായി അഭിനയിച്ചു.  ഭാര്യ: അജിത ബി പിള്ള, മക്കൾ: ആരതി ഗോപാൽ, അഞ്ജലി ഗോപാൽ. സഞ്ചയനം വെള്ളിയാഴ്ച 8. 30 ന്.