കേഡർ സിനി ക്രിയേഷൻസിന്റെ ബാനറിൽ അക്ഷയ് അശോക് രചനയും സംവിധാനം ചെയ്യുന്ന ചിത്രം ‘കുണ്ടന്നൂരിലെ കുത്സിതലഹള’യുടെ ട്രയിലർ ശ്രദ്ധേയമാകുന്നു. ഇതിനോടകം യൂട്യൂബിൽ ഒരു മില്ല്യൺ വ്യൂവേഴ്സ് ആണ് ലഭിച്ചത്. അക്ഷയ് അശോക് തിരക്കഥയും സംവിധാനവും നിർവഹിക്കുന്ന ചിത്രത്തിന്റെ ഷൂട്ടിംഗ് പൂർത്തിയായി. തൊഴിലുറപ്പ് സ്ത്രീകൾ തമ്മിലുള്ള ആക്ഷൻ രംഗങ്ങളാണ് ട്രയിലറിൽ.
വീണാനായർ, പ്രദീപ് ബാലൻ, ജെയിൻ ജോർജ്ജ്, ആശ മഠത്തിൽ, സുനീഷ് സാമി, ദാസേട്ടൻ കോഴിക്കോട്, ബേബി, മേരി, സെൽവ രാജ്, അനുരത്ത് പവിത്രൻ, ആധിൻ ഒല്ലൂർ , നിതുര , സുമിത്ര, ആദിത്യൻ, തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. ചിത്രത്തിൽ നിരവധി പുതുമുഖങ്ങളും അഭിനയിക്കുന്നു. ഛായാഗ്രഹണം ഫജു എ വി, ഗാനങ്ങൾ അക്ഷയ് അശോക്, ജിബിൻ കൃഷ്ണ, അംഗീതം മെൽവിൻ മൈക്കിൾ. ഡിസംബർ അവസാനവാരം ചിത്രം തിയ്യേറ്ററിലേക്ക് എത്തും.
