കോമഡി എന്റർടൈമെന്റ് ചിത്രം ‘ഉടൻ അടി മാംഗല്യ’ത്തിന്റെ ഫസ്റ്റ് ലുക്ക്‌ പോസ്റ്റർ റിലീസ് ചെയ്തു. നിലവിൽ ചിത്രത്തിന്റെ ഷൂട്ടിംഗ് ചങ്ങാനാശ്ശേരി, കുട്ടനാട് എന്നി ലൊക്കേഷനുകളിൽ പുരോഗമിക്കുകയാണ്. ചിത്രത്തിന്റെ പോസ്റ്റർ ആരാധകർ ഏറ്റെടുത്തു കഴിഞ്ഞു. സീരിയലുകളിലൂടെയും ആൽബത്തിലൂടെയും ശ്രദ്ധേയയായ ശ്രീദേവി ഉണ്ണികൃഷ്ണൻ ആണ് ചിത്രത്തിലെ നായിക.
കലാമേള സിനിമാസിന്റെ ബാനറിൽ സുഭാഷ് ചിത്രശാല നിർമിക്കുന്ന ചിത്രത്തിന്റെ തിരക്കഥയും സംവിധാനവും വിഷ്ണു രതികുമാർ ആണ്. ഛായഗ്രഹണം അനന്ദ കൃഷ്ണ, എഡിറ്റിംഗ് ടിജോ തങ്കച്ചൻ, സംഗീതം അരവിന്ദ് മഹാദേവ്. 25 വയസിൽ താഴെയുള്ള കലാകാരന്മാർ ഒന്നിക്കുന്ന ചിത്രം എന്ന പ്രത്യേകത കൂടി ഇതിനുണ്ട്. 2024 – ജനുവരിയിൽ ചിത്രം പ്രേക്ഷകരിലേക്ക് എത്തുമെന്ന് അണിയറ പ്രവർത്തകർ പ്രതീക്ഷിക്കുന്നു.
