നാദിർഷ സംവിധാനം ചെയ്യുന്ന ‘വൺസ് അപ്പോൺ എ ടൈം ഇൻ കൊച്ചി’ ചിത്രത്തിലെ മ്യൂസിക് ലോഞ്ച് ലുലുമാളിൽ വെച്ച് നടന്നു. ദിലീപും നമിത പ്രമോദും ചേർന്നാണ് ഓഡിയോ ലോഞ്ച് ചെയ്തത്. കലന്തൂർ എന്റർടൈമെന്റ്സിന്റെ ബാനറിൽ കലന്തൂർ ആണ് നിർമ്മാണം. ‘കണ്ടേ ഞാൻ ആകാശത്ത്’ എന്ന ഗാനമാണ് റിലീസ് ആയത്. സുഹൈൽ കോയയുടെ വരികൾക്ക് ഹിഷാം അബ്ദുൽ വഹാബൂം നാദിർഷയും മുഹമ്മദ് അനസും ചേർന്നാണ് പാട്ട് പാടിയിരിക്കുന്നത്. വിഷ്ണു ഉണ്ണികൃഷ്ണൻ, കലന്തൂർ, റാഫി, ഷാഫി, ആൽവിൻ ആൻറണി തുടങ്ങിയവർ ചടങ്ങിൽ പങ്കെടുത്തു.
സംവിധായകനും തിരക്കഥാകൃത്തുമായ റാഫിയുടെ മകൻ മുബിൻ റാഫിയാണ് നായകനായി എത്തുന്നത്. ഒരു കോമഡി എന്റർടൈനർ ചിത്രം കൂടിയാണ് ‘വൺസ് അപ്പ് ഓൺ എ ടൈം ഇൻ കൊച്ചി’. ദേവിക സഞ്ജയ് നായികയായി എത്തുന്ന ചിത്രത്തിൽ ഷൈൻ ടോം ചാക്കോയും അർജുൻ അശോകനും മറ്റൊരു പ്രധാന വേഷത്തിൽ എത്തുന്നു. കലന്തൂർ എന്റർടൈമെന്റ്സിന്റെ ബാനറിൽ ഒരുങ്ങുന്ന ചിത്രമാണ് ‘വൺസ് അപ്പ് ഓൺ എ ടൈം ഇൻ കൊച്ചി’. ഛായാഗ്രഹണം ഷാജി കുമാർ, സംഗീതം ഹിഷാം അബ്ദുൽ വഹാബ്, എഡിറ്റിങ് ഷമീർ മുഹമ്മദ്.
