ശ്രീനാഥ് ഭാസി, അനൂപ് മേനോൻ, വിശാഖ് നായർ അശ്വത് ലാൽ, തുടങ്ങിയവർ പ്രധാന കഥാപാത്രങ്ങളായി എത്തുന്ന എൽ എൽ ബി (ലൈഫ് ലൈൻ ഓഫ് ബാച്ചിലേഴ്സ്) തിയ്യേറ്ററുകളിലേക്ക് എത്തുന്നു. ഫറോക്ക് എ സി പി സംവിധാനവും എം എ സിദ്ദിഖ് തിരക്കഥയും നിർവഹിച്ചു. ബാച്ചിലേഴ്സിന്റെ കഥപറയുന്ന സിനിമയാണ് എൽ എൽ ബി. രണ്ടത്താണി ഫിലിംസിന്റെ ബാനറിൽ മുജീബ് രണ്ടത്താണി ആണ് സിനിമയുടെ നിർമ്മാണം.
എ സി പി റാങ്കിലുള്ള ഒരു പൊലീസ് ഉദ്യോഗസ്ഥന്റെ സിനിമയാണ് എൽ എൽ ബി എന്ന ചുരുക്ക നാമത്തിൽ അറിയപ്പെടുന്ന ലൈഫ് ലൈൻ ഓഫ് ബാച്ചിലേഴ്സ് . സിബി കെ തോമസ്, മനോജ് കെ യു, പ്രദീപ് ബാലൻ, രാജേവ് രാജൻ, സീമ ജി നായർ, വിജയൻ കാരന്തൂർ, നാദിറ മെഹ്റിൻ, ശ്രീജിത്ത് രവി, സുധീഷ് കോഴിക്കോട്, രമേഷ് കോട്ടയം, റോഷൻ റഫൂഫ്, കാർത്തിക സുരേഷ്, ചൈത്ര പ്രവീൺ, കവിത ബൈജു തുടങ്ങിയവർ പ്രധാന കഥാപാത്രങ്ങളായി എത്തുന്നു. ഛായാഗ്രഹണം ഫൈസൽ അലി, സംഗീതം ബിജി പാൽ, ഗാനരചന സന്തോഷ് വർമ്മ.
