കോളേജ് ക്യാമ്പസിന്റെ പശ്ചാത്തലത്തിൽ തെന്നിന്ത്യൻ താരം മീന വിദ്യാർത്ഥിനിയായി എത്തുന്ന ചിത്രം ആനന്ദപുരം ഡയറീസിന്റെ ടീസർ പുറത്തിറങ്ങി. മുടങ്ങിപ്പോയ പഠനം പൂർത്തിയാക്കാൻ വേണ്ടി കോളേജിലേക്കെത്തുന്ന വിദ്യാർഥിനിയുടെ വേഷമാണ് മീനയ്ക്ക്. മോഹൻലാൽ- പൃഥ്വിരാജ്- മീന എന്നിവർ ചേർന്ന് അഭിനയിച്ച ബ്രോ ഡാഡിക്ക് ശേഷം മലയാള സിനിമയിലേക്ക് സജീവമാകാൻ ഒരുങ്ങുകയാണ് നടി മീന. ‘ഇടം’ എന്ന ചിത്രത്തിന് ശേഷം ജയ ജോസ് രാജ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ആനന്ദപുരം ഡയറീസ്’. ചിത്രത്തിൽ കോളേജ് അദ്ധ്യാപകനായി തമിഴ് നടൻ ശ്രീകാന്തും അഭിഭാഷകനായി മനോജ് കെ ജയനും എത്തുന്നു. നീൽ പ്രൊഡക്ഷൻസ് ഇന്ത്യ പ്രൈവറ്റ് ലിമിറ്റഡിന്റെ ബാനറിൽ ശശി ഗോപാലൻ ആണ്കഥയും നിർമ്മാണവും.
സിദ്ധാർഥ് ശിവ, മാല പാർവതി, സഞ്ജന സാജൻ, മീര നായർ, സിബി തോമസ്, സുധീർ കരമന, ജാഫർ ഇടുക്കി, രാജേഷ് അഴീക്കോടൻ, റോഷൻ അബ്ദുൽ റഫൂഫ്, അഞ്ജു മേരി, രമ്യ സുരേഷ്, വൃദ്ധി വിശാൽ, ഷൈന ചന്ദ്രൻ, സൂരജ് തെലക്കാട്, ഉഷ കരുനാഗപ്പള്ളി, അർജുൻ പി അശോകൻ, നിഖിൽ സഹാപാലൻ, ജയരാജ് കോഴിക്കോട്, ദേവിക ഗോപാൽ നായർ, മുരളീധർ, ആർലിൻ ജിജോ, ഗംഗ മീര, കുട്ടി അഖിൽ ആർ ജെ അഞ്ജലി തുടങ്ങിയവർ പ്രധാന വേഷത്തിൽ അഭിനയിക്കുന്നു. ഛായാഗ്രഹണം സജിത്ത് പുരുഷൻ, വരികൾ റഫീഖ് അഹമ്മദ്, മനു മഞ്ജിത്ത്, എഡിറ്റിങ് അപ്പു ഭട്ടതിരി, സംഗീതം ഷാൻ റഹ്മാൻ, ആൽബർട്ട് വിജയൻ.
