പാവക്കുട്ടി ക്രിയേഷന്‍സിന്‍റെ ബാനറില്‍ ഷിജ ജിനു നിര്‍മ്മിച്ച് അമന്‍ റാഫി സംവിധാനം ചെയ്യുന്ന ബിഹൈന്‍ഡില്‍ തെന്നിന്ത്യന്‍ താരം സോണി അഗര്‍വാള്‍ പ്രധാന കഥാപാത്രമായി എത്തുന്നു. ഒരു പതിറ്റാണ്ടിന് ശേഷം സോണിയ അഗര്‍വാള്‍ മലയാളത്തില്‍ അഭിനയിക്കാനെത്തുന്ന ചിത്രമാണ് ബിഹൈന്‍ഡ്. ജിനു ഇ തോമസ്, മെറീന മൈക്കിള്‍, ശിവജി ഗുരുവായൂര്‍, സുനില്‍ സുഖദ, നോബി മര്‍ക്കോസ്, സിനോജ് വര്‍ഗീസ്, അമന്‍ റാഫി, വി കെ ബൈജു, ജെന്‍സന്‍ ആലപ്പാട്ട്, അമ്പിളി സുനില്‍, ശിവദാസന്‍ മാറമ്പിള്ളി, തുടങ്ങിയവര്‍ പ്രധാന കഥാപാത്രങ്ങളായി എത്തുന്നു.
ഷിജ ജിനു ആണ് ചിത്രത്തിന്റെ തിരക്കഥയും നിര്‍വഹിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്ററും പുറത്തു വിട്ടിരിക്കുകയാണ്. ഒരു ഹൊറര്‍ സസ്പെന്‍സ് ത്രില്ലര്‍ ചിത്രമാണ് ബിഹൈന്‍ഡ്. ഛായാഗ്രഹണം സന്ദീപ് ശങ്കര്‍ദാസും ടി ഷമീര്‍ മുഹമ്മദും നിര്‍വഹിക്കുന്നു. സംഗീതം: മുരളി അപ്പാടത്ത്, സണ്ണി മാധവ്, ആരിഫ് അന്‍സാര്‍. എഡിറ്റര്‍: വൈശാഖ് രാജന്‍.
