ആഗസ്ത് 18- നു തിയ്യേറ്ററിലേക്കൊരുങ്ങി ‘പോയിന്‍റ് റേഞ്ച്’

സൈനു സംവിധാനം ചെയ്ത് ഡി എം പ്രൊഡക്ഷന്‍ ഹൌസിന്‍റെ ബാനറില്‍ ഷിജി മുഹമ്മദും തിയ്യാമ്മ പ്രൊഡക്ഷന്‍സും നിര്‍മ്മിക്കുന്ന ചിത്രം ‘പോയിന്‍റ് റേഞ്ച്’ ആഗസ്ത് 18- നു തിയ്യേറ്ററിലേക്ക് എത്തുന്നു. ചിത്രത്തില്‍ ആദി എന്ന കഥാപാത്രത്തില്‍  അപ്പാനി ശരത്താണ് നായകനായി എത്തുന്നത്. ഹരീഷ് പേരടി, ചാര്‍മിള, റിയാസ് ഖാന്‍, മുഹമ്മദ് ഷാരിക്,ശഫീക് റഹ്മാന്‍, സനല്‍ അമാണ്‍, ജോയി ജോണ്‍ ആന്‍റണി, ആരോള്‍ ഡി ശങ്കര്‍,രാജേഷ് ശര്‍മ,ബിജു കരിയില്‍, പ്രേംകുമാര്‍ വെഞ്ഞാറമ്മൂട്, സുമി സെന്‍, ഫെസ്സി പ്രജീഷ്, ഡയാന ഹമീദ്, തുടങ്ങിയവരാണ് ചിത്രത്തിലെ മറ്റ് താരങ്ങള്‍. ക്യാമ്പസ് പ്രണയം രാഷ്ട്രീയം എന്നീ പശ്ചാതലങ്ങളിലൂടെയാണ് ചിത്രം കടന്നു പോകുന്നത്. കോഴിക്കോട്, പോണ്ടിച്ചേരി എന്നിവിടങ്ങളില്‍ വെച്ച് ചിത്രത്തിന്‍റെ ഷൂട്ടിങ്ങ് പൂര്‍ത്തിയാക്കി. കഥ മിഥുന്‍ സുബ്രനും തിരക്കഥ ബോണി അസ്സനാറും നിര്‍വഹിച്ചിരിക്കുന്നു. ഛായാഗ്രഹണം അലക്സ് ടോണ്‍സ്, വരികള്‍ അജു സാജനും സംഗീതം പ്രദീപ് ബാബുവും സായി ബാലനും ബിമല്‍ പങ്കജുമാണ്.