കുഞ്ചാക്കോ ബോബനും അര്‍ജുന്‍ അശോകനും ആന്‍റണി വര്‍ഗീസും അഭിനയിക്കുന്ന ചിത്രത്തിന്റെ ഒരു പോസ്റ്റര്‍ അര്‍ജുന്‍ അശോകന്‍റെ പിറന്നാള്‍ ദിനത്തില്‍ പുറത്തുവിട്ടു. പോസ്റ്ററില്‍ അരുണ്‍ എന്ന കഥാപാത്രമായെത്തുന്ന അര്‍ജുന്‍അശോകനാണ് ഉള്ളത്. പ്രേക്ഷകര്‍ ആവേശപൂര്‍വം കാത്തിരിക്കുന്ന ചിത്രമാണ് ചാവേര്‍. ഒട്ടേറെ ആകാംക്ഷ ഉണര്‍ത്തുന്ന ചിത്രവും പോസ്റ്ററുമാണ് ചാവേര്‍.
ത്രില്ലും സസ്പെന്‍സുമാണ് ചാവേര്‍. സിനിമയുടെ ടൈറ്റില്‍ പോസ്റ്ററും ടീസറുമെല്ലാം ഇതിനോടകം തന്നെ ശ്രദ്ധിക്കപ്പെട്ടു. ചിത്രത്തില്‍ കുഞ്ചാക്കോ ബോബന്‍ അശോകന്‍ എന്ന കഥാപാത്രമായാണ് എത്തുന്നത്. നടനും സംവിധായകനുമായ ജോയ് മാത്യുവിന്‍റെതാണ് തിരക്കഥ. സംവിധാനം ടിനു പാപ്പച്ചന്‍ നിര്‍വഹിക്കുന്നു. കാവ്യ ഫിലിംസ് കമ്പനി, അരുണ്‍ നരയണന്‍ പ്രൊഡക്ഷന്‍സ് എന്നീ ബാനറില്‍ നിര്‍മ്മിക്കുന്ന ചിത്രമാണ് ചാവേര്‍. ഛായാഗ്രഹണം ജീന്‍റോ ജോര്‍ജ്ജ്, എഡിറ്റിങ് നിഷാദ് യൂസഫ്, സംഗീതം ജസ്റ്റിന്‍ വര്‍ഗീസ്.
