‘ഹൃദയത്തോട് ചേര്‍ത്ത് വെച്ച ഒരാള്‍ കൂടി വിടപറഞ്ഞിരിക്കുന്നു’; മമ്മൂട്ടി

മലയാള സിനിമാ ലോകത്ത് പുതിയ ദിശാബോധം നല്കിയ കെ ജി ജോര്‍ജ്ജ് വിടപറഞ്ഞപ്പോള്‍ നിരവധി പ്രമുഖര്‍ ആദരാഞ്ജലി നേര്‍ന്ന് കൊണ്ട് രംഗത്തെത്തി. ഇരുപതോളം ക്ലാസ്സിക് സിനിമകള്‍ സമ്മാനിച്ച കെ ജി ജോര്‍ജ്ജ് ഇന്നും സിനിമ രംഗത്ത് പ്രവര്‍ത്തിക്കുന്നവര്‍ക്കൊരു പാഠപുസ്തകമാണ്. തന്‍റെ ഗുരുനാഥനായ കെ ജി  ജോര്‍ജ്ജിന് മമ്മൂട്ടി ആദരഞ്ജലികള്‍ നേര്‍ന്നു. ‘ഹൃദയത്തോട് ചേര്‍ത്ത് വെച്ച ഒരാള്‍ കൂടി വിടപറഞ്ഞിരിക്കുന്നു’ എന്നാണ് അദ്ദേഹം കുറിച്ചത്. 1980- ല്‍ കെ ജി ജോര്‍ജ്ജ് സംവിധാനം ചെയ്ത മേള എന്ന ചിത്രത്തിലൂടെയാണ് മമ്മൂട്ടി എന്ന അഭിനേതാവിനെ പ്രേക്ഷകര്‍ ശ്രദ്ധിച്ച് തുടങ്ങുന്നത്. പിന്നീട് 1982- ല്‍ യവനിക എന്ന ഹിറ്റ് ചിത്രത്തിലും ഇരുവരും ഒന്നിച്ചു. പിന്നീടു മമ്മൂട്ടി ലേഖയുടെ മരണം ഒരു ഫ്ലാഷ് ബാക്ക് എന്ന ചിത്രത്തിലും പ്രേംസാഗര്‍ എന്ന കഥാപാത്രമായെത്തി. കൂടാതെ മറ്റൊരാള്‍ എന്ന ചിത്രത്തിലും നായക വേഷത്തിലെത്തി. കെ ജി ജോര്‍ജ്ജ് നിര്‍മ്മിച്ച മഹാനഗരം എന്ന ചിത്രത്തിലെ ചന്തക്കാട് വിശ്വന്‍ എന്ന കഥാപാത്രം ശ്രദ്ധേയമായി. വര്‍ദ്ധക്യ സഹജമായ അസുഖത്തെ തുടര്‍ന്നു എറണാകുളത്തെ കാട്ടാക്കടയിലുള്ള വയോജന മന്ദിരത്തില്‍ വെച്ചായിരുന്നു അന്ത്യം. ചെവ്വാഴ്ച ഭൌതികദേഹം സംസ്കരിക്കും.