അബാം മൂവീസിന്റെ ബാനറിൽ അബ്രഹാം മാത്യുവിന്റെ നിർമ്മാണത്തിൽ സൌബിൻ ഷാഹിർ, നമിത പ്രമോദ് തുടങ്ങിയവരെ പ്രധാനകഥാപാത്രമാക്കിക്കൊണ്ട് ബോബൻ സാമുവൽ സംവിധാനം ചെയ്യുന്ന ചിത്രം ‘മച്ചാന്റെ മാലാഖ’ യുടെ ഫസ്റ്റ് ലുക്ക് മോഷൻ പോസ്റ്റർ ഈസ്റ്റർ ദിനത്തിൽ പുറത്തിറങ്ങി. കഥ ജക്സൺ ആന്റണിയുടെയും രചന അജീഷ് പി തോമസിന്റേതുമാണ്. നടൻ ടൊവിനോ തോമസിന്റെ ഓഫീഷ്യൽ പേജിലൂടെയാണ് റിലീസ് ചെയ്തത്.
ബസ് കണ്ടക്ടറായ സജീവന്റെയും മെഡിക്കൽ ഷോപ്പ് ജീവനക്കാരിയായ ബീജിമോളുടെയും ജീവിതകഥയാണ് സിനിമയുടെ കാതൽ. നമിത പ്രമോദ്, സൌബിൻ ഷാഹിർ, ദിലീഷ് പോത്തൻ, മനോജ് കെ യു, സുദർശൻ, ആര്യ, ശ്രുതി ജയൻ, വിനീത് തട്ടിൽ, അൽഫി പഞ്ഞിക്കാരൻ, തുടങ്ങിയവരും മറ്റ് പ്രധാനകഥാപാത്രങ്ങളായി വേഷമിടുന്നു. സംഗീതം ഔസേപ്പച്ചൻ, ഛായാഗ്രഹണം വിവേക് മേനോൻ, എഡിറ്റിങ് രതീഷ് രാജ്, ഗാനരചന സിന്റോ സണ്ണി.
