സുരേഷ് ഗോപി നായകനായി അഭിനയിക്കുന്ന 257- മത്തെ ചിത്രം സംവിധാനം ചെയ്യാനോരുങ്ങി സനൽ വി ദേവൻ. കുഞ്ഞമ്മിണിസ് ഹോസ്പിറ്റൽ എന്ന ചിത്രത്തിലൂടെ ശ്രദ്ധേയനായ സംവിധായകനാണ് സനൽ വി ദേവൻ. പുതിയ ചിത്രത്തിന് കൊച്ചിയിൽ വെള്ളിയാഴ്ച തുടക്കമിട്ടു. അങ്കമാലി, കാലടി എന്നിവിടങ്ങളിലായിരിക്കും ചിത്രീകരണം. ഇടപ്പള്ളി അഞ്ചുമന ദേവി ക്ഷേത്രത്തിൽ വെച്ച് പൂജ ചടങ്ങുകൾ നടന്നു.
മാവെറിക് മൂവീസ് പ്രൈവറ്റ് ലിമിറ്റഡ് ഇൻ അസോസിയേഷൻ വിത്ത് സഞ്ജയ് പടിയൂർ എന്റർടൈമെന്റ്സിന്റെ ബാനറിൽ വിനീത് ജയ്നും സഞ്ജയ് പടിയൂരും ചേർന്നാണ് ചിത്രം നിർമ്മിക്കുന്നത്. ഒരു ത്രില്ലർ ജോണറിൽ ഒരുങ്ങുന്നതാണ് ഈ പുതിയ ചിത്രം. സുരാജ് വെഞ്ഞാറമ്മൂട്, ഗൌതം മേനോൻ തുടങ്ങിയവരും പ്രധാന വേഷത്തിൽ അഭിനയിക്കുന്നുണ്ട്. കഥ ജിത്തു കെ ജയൻ, സി കുമാര്, തിരക്കഥ മനു സി കുമാർ, ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റിങ് മൺസൂർ മുത്തുട്ടി. ഡിസംബർ പതിനെട്ട് മുതൽ ചിത്രീകരണം ആരംഭിക്കും.
