‘സമൻസു’മായി ആൻ സരിഗ ആൻറണി; ആദ്യ ചിത്രത്തിന്റെ ലൊക്കേഷനിൽ വെച്ച് പ്രഖ്യാപനം

ആൻ സരിഗ സംവിധാനം ചെയ്യുന്ന ‘സമൻസ്’ എന്ന ചിത്രത്തിന്റെ പ്രഖ്യാപനം ആദ്യ ചിത്രമായിരുന്ന ‘അഭിലാഷ’ത്തിന്റെ ലൊക്കേഷനിൽ വെച്ച് നടന്നു. നവംബർ 17- വെള്ളിയാഴ്ച കോഴിക്കോട് മുക്കത്ത്  വെച്ചായിരുന്നു ചടങ്ങ് നടന്നത്. സിനിമയുടെ ചിത്രീകരണം നടന്നുകൊണ്ടിരിക്കുകയാണ്. ആദ്യ ചിത്രത്തിന്റെ വേദിയിൽ വെച്ച് സെക്കന്റ് ഷോ പ്രൊഡക്ഷൻസിന്റെ ബാനറിൽ ശങ്കർ ദാസ്, ആൻ സരിഗ ആൻറണി എന്നിവർ ചേർന്ന് നിർമ്മിച്ച് ആൻ സരിഗ ആൻറണി സംവിധാനം ചെയ്യുന്ന ചിത്രമാണിത്. സംവിധായകൻ വിനയന്റെ മകൻ വിഷ്ണു വിനയ് ചിത്രത്തിൽ പ്രധാന വേഷത്തിൽ എത്തുന്നു. കൂടാതെ മറ്റ് പ്രമുഖ താരങ്ങളും ചിത്രത്തിൽ അണിനിരക്കുന്നുണ്ട്. ദുബായിലും പാലക്കാടുമായി ചിത്രീകരണം ആരംഭിക്കും.