നാദിര്ഷ സംവിധാനം ചെയ്യുന്ന പുതിയ ചിത്രത്തില് തിരക്കഥാകൃത്ത് റാഫിയുടെ മകന് മുബിന് എം റാഫി നായകനാകുന്നു. മകള്, ഞാന് പ്രകാശന് തിടങ്ങിയ ചിത്രങ്ങളില് ശ്രദ്ധേയ കഥാപാത്രങ്ങളെ അവതരിപ്പിച്ച ദേവിക സഞ്ജയ് ആണ് നായികയായി എത്തുന്നത്. ചിത്രത്തില് അര്ജുന് അശോകും സുപ്രധാന വേഷത്തില് എത്തുന്നു. കലന്തൂര് എന്റര്ടൈമെന്റ്സി ന്റെ ബാനറില് കലന്തൂര് ആണ് ചിത്രത്തിന്റെ നിര്മാണം. റാഫിയാണ് ചിത്രത്തിന് തിരക്കഥ ഒരുക്കുന്നത്.
ചിത്രത്തിന്റെ പൂജയ്ക്ക് ദിലീപ്, ബി ഉണ്ണികൃഷ്ണന്, രമേഷ് പിഷാരടി., ബിബിന് ജോര്ജ്ജ്, നമിത പ്രമോദ്, ഷാഫി, ലാല് തുടങ്ങിയ താരനിരകളും പങ്കെടുത്തു. ചിത്രത്തിലെ പാട്ടുകള് ഒരുക്കുന്നത് സംഗീത സംവിധായകന് ഹെഷം അബ്ദുല് വഹാബാണ്. ദീപക് നാരായണന് ആണ് ചിത്രത്തിന് ഛായാഗ്രഹണം ചെയ്യുന്നത്.
