റിലീസ് തീയ്യതി അറിയിച്ച് ‘വേല;’ സണ്ണി വെയ് നും ഷെയ്ന്‍ നിഗവും പ്രധാന കഥാപാത്രങ്ങള്‍

സണ്ണി വെയ് നും ഷെയ്ന്‍ നിഗവും പ്രധാന കഥാപാത്രങ്ങളായെത്തുന്ന ‘വേല’ നവംബര്‍- 10 നു തിയ്യേറ്ററുകളിലേക്ക് പ്രദര്‍ശനത്തിന് എത്തും. ചിത്രത്തിന് തിരക്കഥ എം സജാസിന്‍റെയും  സംവിധാനം ശ്യാംശശിയുടേതുമാണ്. ക്രൈംഡ്രാമ ചിത്രമാണ് വേല. ദുല്‍ഖര്‍ സല്‍മാന്‍റെ വെഫെയര്‍ ഫിലിംസാണ് ചിത്രം വിതരണം ചെയ്യുന്നത്. ആര്‍ ഡി എക്സില്‍ ഹിറ്റായ ഗാനങ്ങള്‍ക്ക് ഈണം പകര്‍ന്ന സംഗീതസംവിധായകന്‍ സാം സി എസ് തന്നെയാണ് വേലയിലെ പാട്ടുകള്‍ക്കും സംഗീതം പകര്‍ന്നിരിക്കുന്നത്. രണ്ടു പോലീസ് ഉദ്യോഗസ്ഥരുടെ വേഷത്തിലാണ് സണ്ണി വെയ് നും ഷെയ്ന്‍ നിഗവും എത്തുന്നത്. സണ്ണി വെയിന്‍ മല്ലികാര്‍ജുന്‍ എന്ന കഥാപാത്രമായും ഷെയ്ന്‍ നിഗം  ഉല്ലാസ് അഗസ്തിന്‍ എന്ന കഥാപാത്രമായും എത്തുന്നു. ചിത്രത്തില്‍ സിദ്ധാര്‍ഥ് ഭരതനും ഒരു പ്രധാന കഥാപാത്രമായി എത്തുന്നുണ്ട്. സിന്‍സില്‍ സെല്ലുലോയിഡിന്‍റെ ബാനറില്‍ എസ് ജോര്‍ജ്ജ് നിര്‍മ്മിക്കുന്ന ചിത്രത്തില്‍ ഛായാഗ്രഹണം സുരേഷ് രാജനും മ്യൂസിക് സാം സി എസും നിര്‍വഹിക്കുന്നു