ഡ്രൈവിങ് ലൈസന്‍സ് എന്ന ചിത്രത്തിന് ശേഷം ടോവിനോ തോമസിനെ നായകനാക്കി ലാല്‍ ജൂനിയര്‍ സംവിധാനം ചെയ്യുന്ന ചിത്രത്തില്‍ ടോവിനോ തോമസ് നായകനായി എത്തുന്നു. മിന്നല്‍ മുരളി, തല്ലുമാല തുടങ്ങിയ സൂപ്പര്‍ ഹിറ്റ് ചിത്രങ്ങള്‍ക്ക് ശേഷം ടോവിനോ നായകനായി എത്തുന്ന ചിത്രമാണ് നടികര്‍ തിലകം. സ്റ്റൈലിഷ് ലുക്കിലുള്ള ടോവിനോ തോമസാണ് പോസ്റ്ററുകളില്‍. ഗോഡ് സ്പീസിന്‍റെ ബാനറില്‍ അലന്‍ ആന്‍റണിയും അനൂപ് വേണുഗോപാലും ചേര്‍ന്നാണ് ചിത്രം നിര്‍മ്മിക്കുന്നത്.
സൂപ്പര്‍ സ്റ്റാര്‍ ഡേവിഡ് പടിക്കല്‍ എന്ന കഥാപാത്രമായാണ് ടോവിനോ തോമസ് എത്തുന്നത്. ബാല എന്ന കഥാപാത്രമായി സൌബിന്‍ ഷാഹിറും സുരേഷ് കൃഷണയും പ്രധാന വേഷത്തില്‍ എത്തുന്നു. ചിത്രത്തില്‍ ഭാവനയാണ് നായികയായി എത്തുന്നത്. ധ്യാന്‍ ശ്രീനിവാസന്‍, അനൂപ് മേനോന്‍, ഷൈന്‍ ടോം ചാക്കോ, ശ്രീനാഥ് ഭാസി, ലാല്‍, ഇന്ദ്രന്‍സ്, ശ്രീജിത്ത് രവി, ഇടവേള ബാബു, ബൈജുക്കുട്ടന്‍, മധുപാല്‍, അജു വര്‍ഗീസ്, മണിക്കുട്ടന്‍, മാല പാര്‍വതി, ദേവിക ഗോപാല്‍, തുടങ്ങിയ താരങ്ങളും ചിത്രത്തില്‍ അഭിനയിക്കുന്നു.
ചിത്രത്തിന് തിരക്കഥ ഒരുക്കുന്നത് സുവിന്‍ എസ് സോമശേഖരന്‍ ആണ്. ക്യാമറ-ആല്‍ബി, എഡിറ്റിങ്- രതീഷ് രാജ്, സംഗീതം- യക്സന്‍ ഗാരി പെരേര, നേഹ എസ് നായര്‍. ചിത്രത്തിന്‍റെ ഷൂട്ടിംഗ് പുരോഗമിക്കുന്നു.
