ഫോട്ടോഗ്രാഫറും നടനും പരസ്യചിത്രസംവിധായകനുമായ രാധാകൃഷ്ണൻ ചാക്യാട്ട് അന്തരിച്ചു

പ്രശസ്ത ഫോട്ടോഗ്രാഫറും നടനും പരസ്യചിത്രസംവിധായകനുമായ രാധാകൃഷ്ണൻ ചാക്യാട്ട് അന്തരിച്ചു. 61- വയസ്സായിരുന്നു. ഹൃദയാഘാതത്തെ തുടർന്ന് വ്യാഴായ്ച രാത്രി പുനെയിൽ വെച്ചായിരുന്നു മരണം. ഏറെക്കാലമായി ഫോട്ടോഗ്രാഫി രംഗത്ത് ശ്രദ്ധേയമായ സാ ന്നിദ്ധ്യമായിരുന്നു രാധാകൃഷ്ണൻ ചാക്യാട്ട്. കൂടാതെ പരസ്യചിത്രസംവിധായകനായും നടനായും അദ്ദേഹം ദൃശ്യമേഖലയിൽ സജീവമായിരുന്നു. പിക്സൽ വില്ലെജ് എന്ന പേരിലുള്ള അദ്ദേഹത്തിന്റെ ഓൺലൈൻ പ്ലാറ്റ്ഫോമിലൂടെ അദ്ദേഹം ങ്ങോട്ടോഗ്രഫിയെക്കുറിച്ച് പരിശീലനം ആരംഭിച്ചിരുന്നു. ദുൽഖർ സൽമാനും പാർവതി തിരുവോത്തും പ്രധാനകഥാപാത്രങ്ങളായി എത്തിയ ശ്രദ്ധേയ സിനിമ ‘ചാർലി’ യിലെ ഡേവിഡ് എന്ന കഥാപാത്രത്തിലൂടെയും അദ്ദേഹം വെള്ളിത്തിരയിലൂടെ പ്രേക്ഷകർക്ക് മുന്നിലെത്തി. ഫാഷൻ ഫോട്ടോഗ്രാഫിയിലൂടെയാണ് അദ്ദേഹം ഈ രംഗത്തിലേക്ക് ആദ്യ ചുവട് വയ്ക്കുന്നത്. ഫാഷൻ ഫോട്ടോഗ്രാഫറായ റഫീഖ് സയിദിന്റെ കീഴിലായിരുന്നു ആദ്യകാലം. പരസ്യ ഏജൻസിയായ ന്യൂക്ലിയസിൽ ചേർന്നതോടെ അദ്ദേഹം കരിയറിൽ തന്റേതായ ഇരിപ്പിടം കണ്ടെത്തി. സോണി, എച്ച് ഡി എഫ് സി, താജ്, എന്നീ പ്രശസ്ത മേഖലകളിൽ അദ്ദേഹം പ്രവർത്തിച്ചു. ഭാര്യ; ബിന്ദു രാധാകൃഷ്ണൻ, മകൻ: വിഷ്ണു.