ഫഹദ് ഫാസിൽ നായകനായി എത്തുന്ന ജിത്തു ജോസഫ് ചിത്രം പ്രഖ്യാപിച്ചു

ഇ- ഫോർ എന്റർടൈമെന്റിന്റെ ബാനറിൽ ഫഹദ് ഫാസിലിനെ നായകനാക്കി ജിത്തു ജോസഫ് സംവിധാനം ചെയ്യുന്ന ഏറ്റവും പുതിയ ചിത്രം ഉടൻ. ശാന്തിമായാദേവിയുടേതാണ് തിരക്കഥ. സോഷ്യൽ മീഡിയയിലൂടെയാണ് പുതിയ ചിത്രത്തെക്കുറിച്ചുള്ള വാര്ത്ത പങ്കുവെച്ചത്. മോഹൻലാലിനെ നായകനാക്കി ജിത്തുജോസഫ് ഒരുക്കിയ’ നേര്’ ആണ് ഒടുവിലിറങ്ങിയ ഹിറ്റ് സിനിമ. ഈ ചിത്രത്തിനും ശാന്തിമായദേവിയും ജിത്തുജോസഫും ചേർന്നാണ് തിരക്കഥ ഒരുക്കിയത്. മോഹൻലാൽ നായകനായി എത്തുന്ന ജിത്തു ജോസഫിന്റെ റാം എന്ന ചിത്രവും ഉടനെ ഉണ്ടാകും. പുതിയ സിനിമയെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല.