പുണർതം ആർട്സ് ഡിജിറ്റലിന്റെ ബാനറിൽ രമേശ് കുമാർ കോറമംഗലം രചനയും സംവിധാനവും നിർവഹിക്കുന്ന ചിത്രം ‘മായമ്മ’യുടെ ട്രയിലർ പുറത്തിറങ്ങി. പുള്ളുവൻ പാട്ടിന്റെയും നാവോറു പാട്ടിന്റെയും പശ്ചാത്തലത്തിൽ ആണ് ചിത്രം. നടൻ ദിനേശ് പണിക്കരാണ് ട്രയിലർ റിലീസ് തിരുവനന്തപുരം ഏരീസ് പ്ലക്സ് തിയ്യേറ്ററിൽ വെച്ചാണ് നിർവഹിച്ചത്. പുണർതം ആർട്സ് ഡിജിറ്റൽ എക്സിക്യൂട്ടീവ് പ്രൊഡ്യൂസർ രാജശേഖരൻ നായരാണ് അധ്യക്ഷത വഹിച്ചത്. മായമ്മയായി അഭിനയിക്കുന്ന അങ്കിത വിനോദ്, നടി ഇന്ദുലേഖ, ഗായിക അഖില ആനന്ദ്, ശരണ്യ ശബരി, രമ്യ രാജേഷ്, സീതാലക്ഷ്മി, അനു നവീൻ, തുടങ്ങിയവർ ചടങ്ങിൽ പങ്കെടുത്തു.
പൂജപ്പുര രാധാകൃഷ്ണൻ, സംഗീത സംവിധായകൻ രാജേഷ് വിജയ്, അനിൽ കഴക്കൂട്ടം, സംവിധായകൻ രമേശ് കുമാർ കോറമംഗലം, നാവോരു പാട്ടിന്റെ എഴുത്തുകാരൻ കണ്ണൻ പോറ്റി, നായകൻ അരുൺ ഉണ്ണി, തുടങ്ങിയവരും പങ്കെടുത്തു. ചിത്രത്തിന്റെ പ്രൊഡക്ഷൻ കൺട്രോളർ അജയഘോഷ് പറവൂർ നന്ദി പ്രകാശനം നടത്തി. വിജി തമ്പി, ബിജു കലാവേദി, പി ജെ രാധാകൃഷ്ണൻ, ചേർത്തല വിജയൻ, കൃഷ്ണപ്രസാദ്, കെ പി എ സി ലീലമണി തുടങ്ങിയവരും ചിത്രത്തിൽ അഭിനയിക്കുന്നുണ്ട്. ഛായാഗ്രഹകൻ നവീൻ കെ സാജു, എഡിറ്റിങ് അനൂപ് എസ് രാജ്. ചിത്രം ഉടൻ തിയ്യേറ്ററുകളിൽ പ്രദർശനത്തിന് എത്തും.
