ഈസ്റ്റ് കോസ്റ്റ് വിജയൻ സംവിധാനം ചെയ്യുന്ന ഏറ്റവും പുതിയ ഹൊറർ ചിത്രം ‘ചിത്തിനി’യുടെ പോസ്റ്റർ റിലീസായി. ഈസ്റ്റ് കോസ്റ്റ് കമ്മ്യൂണിക്കേഷൻസ് ആണ് നിർമ്മാണം. ക്ലാസ്സിക്കൽ ഡാൻസിന്റെ മൂഡിലുള്ള പോസ്റ്ററായിരുന്നു ഇതിന് മുൻപ് പുറത്ത് ഇറങ്ങിയത്. അതിൽ നിന്നും തികച്ചും വ്യത്യസ്തമായ രീതിയിലുള്ള പോസ്റ്ററാണ് ഇത്തവണ റിലീസായിരിക്കുന്നത്. പ്രണയം, കുടുംബബന്ധങ്ങൾ എന്നീ ഘടകങ്ങൾ കൂടിച്ചേർന്നതാണ് ‘ചിത്തിനി’.
സോഷ്യൽ മീഡിയയില് ഏറ്റവും കൂടുതൽ ശ്രദ്ധ നേടിക്കൊണ്ടിരിക്കുന്ന പോസ്റ്ററുകൾ കൂടിയാണ് ചിത്തിനിയുടേത്. വനാന്തരീക്ഷത്താൽ ചുറ്റപ്പെട്ട നൂൽപ്പുഴയെന്ന ഗ്രാമത്തിന്റെയും അവിടെ അധിവസിക്കുന്ന ചിത്തിനി എന്ന യക്ഷിയുടെയും കഥയാണ് സിനിമയിൽ. അവിടെ വെച്ച് സർക്കിൾ ഇൻസ്പെക്ടർ അലനും സംഘവും ഫാമിലിയും നേരിടുന്ന പ്രതിസന്ധികളിലൂടെ ചിത്രം സഞ്ചരിക്കുന്നു. പൊലീസ് ഓഫീസറായി അമിത് ചക്കാലക്കൽ ആണ് എത്തുന്നത്. ഗോസ്റ്റ് ഹണ്ടർ ആയി വിനയ് ഫോർട്ടും നായികമാരായി മോക്ഷയും ആരതി നായരും എത്തുന്നു.
