കണ്ണൂർ സ്ക്വാഡിന്റെ വൻവിജയത്തിന് ശേഷം മമ്മൂട്ടിയുടെ അടുത്ത ചിത്രം ‘കാതൽ ദി കോർ’ നവംബർ 23- മുതൽ തിയ്യേറ്ററുകളിൽ പ്രദർശനത്തിന് എത്തും. ജിയോ ബേബി സംവിധാനം ചെയ്യുന്ന ചിത്രം മമ്മൂട്ടി കമ്പനിയുടെ ബാനറിലാണ് നിർമ്മിച്ചത്. ദുൽഖർ സൽമാന്റെ ഉടമസ്ഥതയിലുള്ള വേഫെറെർ ഫിലിംസ് ചിത്രം കേരളത്തിൽ വിതരണം ചെയ്യും. വർഷങ്ങളുടെ ഇടവേളയ്ക്ക് ശേഷം ശ്രദ്ധേയയായ തെന്നിന്ത്യൻ താരം ജ്യോതിക മലയാളത്തിൽ അഭിനയിക്കുന്ന ചിത്രമാണ് എന്ന പ്രത്യേകത കൂടി ‘കാതൽ ദി കോറി’നുണ്ട്. 2009- ൽ റിലീസ് ചെയ്ത ‘സീതാകല്യാണം’ ആണ് അവർ ഒടുവില് അഭിനയിച്ച മലയാള ചിത്രം. ‘
കാതലിന്റെ പ്രമേയം തന്നെ ഏറെ അകർഷിച്ചത്’ എന്നു ജ്യോതികയുടെ ഭർത്താവും തെന്നിന്ത്യൻ സൂപ്പർ താരവുമായ സൂര്യ അഭിപ്രായപ്പെട്ടു. ആദർശ് സുകുമാരനും പോൾസൺ സക്കറിയയും ചേർന്നാണ് തിരക്കഥ തയ്യാറാക്കിയത്. മുത്തുമണി, അനഘ അക്കു, ആദർശ് സുകുമാരൻ, അലിസ്റ്റർ അലക്സ്, ചിന്നു ചാന്ദ്നി, സുധി കോഴിക്കോട്, ജോസി സിജോ, തുടങ്ങിയവർ ചിത്രത്തിൽ പ്രധാന വേഷത്തിലെത്തുന്നു. ഛായാഗ്രഹണം സാലു കെ തോമസ്, എഡിറ്റിങ് ഫ്രാൻസിസ് ലൂയിസ്, സംഗീതം മാത്യൂസ് പുളിക്കൻ =, ഗാനരചന അൻവർ അലി.
