ദിലീഷ് പോത്തനെ നായകനാക്കി നവാഗതനായ ശ്രീകുമാർ പൊടിയൻ സംവിധാനം ചെയ്യുന്ന ഒരു കള്ളന്റെ കഥ പറയുന്ന ചിത്രം മനസാ വാചാ മാർച്ച് ആദ്യവാരത്തിൽ തിയ്യേറ്ററിലേക്ക് എത്തും. ധാരാവി ദിനേശ് എന്ന കഥാപാത്രമായാണ് ദിലീഷ് എത്തുന്നത്. ശ്രീകുമാർ പൊടിയന്റെ ആദ്യ ചിത്രമായ മനസാ വാചാ ഒരു ഫൺ ആൻഡ് എന്റർടൈമെന്റ് മൂവിയാണ്.
മിനിസ്ക്രീനുകളിലൂടെ കോമഡി പരിപാടികളിൽ ശ്രദ്ധേയനാണ് ശ്രീകുമാർ പൊടിയൻ. മജീദ് സെയ്ദ് ആണ് ചിത്രത്തിന്റെ തിരക്കഥ. സ്റ്റാർട്ട് ആക്ഷൻ കട്ട് പ്രൊഡക്ഷൻസാണ് നിർമ്മാണം. പ്രശാന്ത് അലക്സാണ്ടർ, അഹാന വിനേഷ്, ജംഷീന ജമാൽ, അസിൻ, സായ് കുമാർ, കിരൺ കുമാർ, ശ്രീജിത്ത് രവി, തുടങ്ങിയവർ പ്രധാന വേഷത്തിൽ എത്തുന്നു. ഛായാഗ്രഹണം എൽദോ ഐസക്, സംഗീതം സുനിൽ കുമാർ പി കെ.
