ജമീല എന്ന കേന്ദ്രകഥാപാത്രമായി ബിന്ദുപണിക്കർ എത്തുന്ന ഏറ്റവും പുതിയ ചിത്രം ‘ജമീലാന്റെ പൂവൻകോഴി’ നവംബർ എട്ടിന് തിയ്യേറുകളിലേക്ക് എത്തുന്നു. മുൻപ് ഇറങ്ങിയ ചിത്രത്തിന്റെ ടീസർ പ്രേക്ഷക സ്വീകാര്യത നേടിയിരുന്നു. നവാഗതനായ ഷാജഹാൻ ആണ് സംവിധാനം ചെയ്യുന്നത്. ഇത്ത പ്രൊഡക്ഷൻസിന്റെ ബാനറിൽ ഫസൽ കല്ലറയ്ക്കൽ, നൌഷാദ് ബക്കർ, എന്നിവർ ചേർന്ന് നിർമ്മിക്കുന്ന ചിത്രത്തിൽ മിഥുൻ നളിനി നായകനായും എത്തുന്നു.
പുതുമുഖമായ അലീഷയാണ് നായിക. നൌഷാദ് ബക്കർ, നിഥിൻ തോമസ്, അഞ്ജന അപ്പുക്കുട്ടൻ, കെ ടി എസ് പടന്നയിൽ, മോളി, ജോളി, പൌളി വിൽസൺ, സൂരജ് പോപ്സ് എന്നിവർ മറ്റ് കഥാപാത്രങ്ങളായി എത്തുന്നു. തിരക്കഥയും സംഭാഷണവും ഷാജഹാൻ, ശ്യാം മോഹൻ എന്നിവർ ചേർന്നാണ്. ഛായാഗ്രഹണം വിശാൽ വർമ്മ, സംഗീതം ടോണി ജോസഫ്.
