ചലച്ചിത്രതാരം കനകലത അന്തരിച്ചു

മലയാള സിനിമ- സീരിയൽ അഭിനേത്രി കനകലത അന്തരിച്ചു. പാർക്കിൻസൺ അസുഖവും മറവി രോഗവും  മൂലം വർഷങ്ങളായി ചികിത്സയിലായിരുന്നു. തിരുവനന്തപുരത്തെ വീട്ടിൽ വെച്ചായിരുന്നു അന്ത്യം. 350 ലേറെ സിനിമകളിലും നിരവധി സീരിയലുകളിലും അഭിനയിച്ചിട്ടുണ്ട്. തൊണ്ണൂറുകളിൽ വെള്ളിത്തിരയിൽ നിരവധി വേഷങ്ങളിൽ കനകലത അഭിനയിച്ചിട്ടുണ്ട്. ഒൻപത്താംക്ലാസിൽ പഠിക്കുമ്പോൾ നാടകത്തിൽ അഭിനയിച്ചു തുടങ്ങി. രാജാവിന്റെ മകൻ, കരിയിലക്കാറ്റ് പോലെ, ചില്ല്, കൌരവർ, അനിയത്തി പ്രാവ്, ഹരികൃഷ്ണൻസ്, കിരീടം, എന്റെ സൂര്യപുത്രിക്ക്, ആകാശഗംഗ 2, തച്ചോളി വർഗീസ് ചേകവർ, പഞ്ചവർണ്ണത്തത്ത, സ്ഫടികം, മാട്ടുപ്പെട്ടി മച്ചാൻ, പ്രിയം, ആദ്യത്തെ കണ്മണി, അമ്മയാണെ സത്യം, തുടങ്ങിയവ സിനിമകളിൽ ശ്രദ്ധേയ കഥാപാത്രങ്ങളെ കൈകാര്യം ചെയ്തു. തമിഴിലും അഭിനയിച്ചിട്ടുണ്ട്. കൊല്ലം ജില്ലയിലെ ഓച്ചിറയിലെ പരമേശ്വരൻ പിള്ളയുടെയും ചിന്നമ്മയുടെമകളായി ജനനം. 1980 ൽ ഉണർത്തുപാട്ട് എന്നൻ ചിത്രത്തിലൂടെയായിരുന്നു  അരങ്ങേറ്റം.