ചരിത്രത്തിലാദ്യം; താലിന്‍ ബ്ലാക്ക് നൈറ്റ്സ് ചലച്ചിത്രമേളയില്‍ ഇന്ത്യന്‍ സിനിമയെ പ്രതിനിധീകരിച്ച് മലയാളത്തിന്‍റെ ‘അദൃശ്യ ജാലകങ്ങള്‍’

നവംബര്‍ 3- മുതല്‍ 17- വരെ വേള്‍ഡ് പ്രീമിയര്‍ എസ്റ്റോണിയായില്‍ നടക്കുന്ന താലിന്‍ ബ്ലാക്ക് നൈറ്റ്സ് അന്താരാഷ്ട്ര ചലച്ചിത്രമേളയ്ക്കു അരങ്ങുണരുന്നു. മേളയുടെ 27 വര്‍ഷത്തെ ചരിത്രത്തിലാദ്യമായി ഇന്ത്യന്‍ സിനിമയില്‍ വെച്ച് അദൃശ്യ ജാലകങ്ങള്‍ എന്ന മലയാള സിനിമയാണ് തിരഞ്ഞെടുക്കപ്പെട്ടത്. പ്രധാന അന്താരാഷ്ട്ര മല്‍സരവിഭാഗത്തില്‍ തിരഞ്ഞെടുത്തതാണ് മറ്റൊരു പ്രത്യേകത. FIAPF അംഗീകാരമുള്ള ലോകത്തിലെ ഏറ്റവും പ്രധാനപ്പെട്ട ആദ്യ 15 എ കാറ്റഗറി ചലച്ചിത്ര മേളകളില്‍ ഒന്നാണ് താലിന്‍ ബ്ലാക്ക് നൈറ്റ്സ് ചലച്ചിത്രമേള. ഇന്ത്യയില്‍ നിന്നും തിരഞ്ഞെടുക്കപ്പെട്ട അദൃശ്യ ജാലകങ്ങള്‍ മലയാള സിനിമയ്ക്കു പൊന്‍തൂവലാണ്. സംവിധായകന്‍ ഡോ: ബിജു, നിര്‍മാതാവ് രാധിക ലാവു, നടന്‍ ടോവിനോ തോമസ് തുടങ്ങിയവര്‍ താലിന്‍ ബ്ലാക്ക് നൈറ്റ്സ് ചലച്ചിത്രമേളയുടെ ബ്ലാക് കാര്‍പ്പെറ്റില്‍ ഇന്ത്യന്‍ സിനിമയെ പ്രതിനിധീകരിക്കും.