കോഴിക്കോടൻ സിനിമാപ്രേമികൾക്കായി വീണ്ടും അരങ്ങുണർത്താൻ അപ്സര തിയേറ്റർ

കഴിഞ്ഞ വർഷം താഴിട്ട് പൂട്ടിയ കോഴിക്കോട് ജില്ലയിലെ അപ്സര തിയ്യേറ്റർ വീണ്ടും സിനിമകളുമായി ജനഹൃദയങ്ങളിലേക്ക്. ആയിരത്തോളം പേർക്ക്  ഒരേ സമയം പ്രദർശിപ്പിക്കാൻ കഴിവുള്ള അപ്സര തിയ്യേറ്റർ അൻപത്തിരണ്ട് വർഷക്കാലമായി  പ്രേക്ഷകർക്കിടയിൽ നിറസാന്നിധ്യമായിരുന്നു. ലിസ്റ്റിൻ സ്റ്റീഫന്റെ മാജിക് ഫ്രെയിംസ് ആണ് കരാറോടു കൂടി ഇത് ഏറ്റെടുത്തിരിക്കുന്നത്. അതിനാൽ മാജിക് ഫ്രയിംസ് അപ്സര എന്ന പേരോടെയുള്ള വ്യത്യസ്തമായ തിരിച്ചുവരവാണ് ഉണ്ടായിരിക്കുന്നത്. ഏപ്രിൽ- മെയ് മാസങ്ങളോട് കൂടി അപ്സര തിയ്യേറ്ററിൽ സിനിമകൾ പ്രദർശനത്തിന് എത്തുമെന്നാണ് പ്രതീക്ഷ.