കാസര്‍ഗോഡന്‍ ഭാഷയില്‍ ഒരുങ്ങുന്ന പുതിയ ചിത്രത്തിന്റെ പോസ്റ്റര്‍ പുറത്ത്. ആസിഫലി, സുരാജ് വെഞ്ഞാറമ്മൂട്, ഇന്ദ്രന്‍സ്, സണ്ണി വെയ്ന്‍, അജു വര്‍ഗീസ്, അര്‍ജുന്‍ അശോകന്‍, ശ്രീനിവാസന്‍, ദിനേശ് പ്രഭാകര്‍, തുടങ്ങിയ താരങ്ങളാണ് പോസ്റ്റര്‍ അവരുടെ സോഷ്യല്‍ മീഡിയയിലൂടെ റിലീസ് ചെയ്തത്. ഇന്ദ്രന്‍സ് പ്രധാനകഥാപാത്രമായി എത്തുന്ന ചിത്രത്തിന്റെ പേര് കുണ്ഡല പുരാണം എന്നാണ്. മേനോക്കില്‍സ് ഫിലിംസിന്‍റെ ബാനറില്‍ അനില്‍ ടി വി നിര്‍മ്മിച്ച് സന്തോഷ് പുതുക്കുന്ന് സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങ് കാസര്‍ഗോഡ്, നീലേശ്വരം ഭാഗങ്ങളിലായി നടന്നു.
ബാബു അന്നൂര്‍, രമ്യ സുരേഷ്, ഉണ്ണിരാജ് തുടങ്ങിയവരാണ് ചിത്രത്തില്‍ മറ്റ് കഥാപാത്രങ്ങളായി എത്തുന്നത്. വീണു കോളിച്ചാലിന്‍റെതാണ് രചന. ഇതിന് മുന്‍പ് സര്‍ക്കസ് എന്ന സിനിമയ്ക്കു വേണ്ടിയാണ് തിരക്കഥ എഴുതിയത്. സന്തോഷ് കീഴാറ്റൂരിനെ നായകനാക്കി സംവിധാനം ചെയ്ത മോപ്പാള ആണ് സന്തോഷ് പുതുക്കുന്ന് മുന്‍പ് സംവിധാനം ചെയ്ത ചിത്രം. ഈ ചിത്രത്തിന് ഫോക് ലോര്‍ അവാര്‍ഡ് ലഭിച്ചിരുന്നു. ഛായാഗ്രഹണം ശരണ്‍ ശശിധരന്‍, എഡിറ്റിങ് ശ്യാം അമ്പാടി, സംഗീതം ബ്ലെസ്സന്‍ തോമസ്.
