കിങ് ഓഫ് കൊത്തയുടെ പ്രചരണവുമായി ദുല്‍ഖര്‍ സല്‍മാന്‍. ആഗസ്ത് 24- നു ചിത്രം തിയ്യേറ്ററിലെത്തും. ചിത്രം റിലീസാവുന്നതിനോടനുബന്ധിച്ച് ഉഗ്രന്‍ പ്രചാരണ പരിപാടികളാണ് നടക്കുന്നതു. ഞായറാഴ്ച ഹൈദരാബാദ് ജെ ആര്‍ സി കണ്‍വെന്‍ഷന്‍ സെന്‍ററില്‍ നടുന്ന പ്രീ റിലീസ് ഇവന്‍റില്‍ റാണാ ദഗുബട്ടി, നാനി തുടങ്ങിയവര്‍ മുഖ്യാതിഥികളായി എത്തി. ദുല്‍ഖര്‍ സല്‍മാന്‍, ഷബീര്‍ കല്ലറക്കല്‍, ഐശ്വര്യ ലക്ഷ്മി, അനിഖ സുരേന്ദ്രന്‍ തുടങ്ങിയവര്‍ പങ്കെടുത്തു. “എല്ലാ നാട്ടുകാര്‍ക്കും എന്‍റെ നമസ്കാരം. ഒരുപാട് സ്നേഹം, ഇഷ്ടം, ഇരുപത്തിനാലാം തീയതി കറങ്ങി നടക്കാതെ തിയ്യേറ്ററില്‍ പോയി സിനിമ കാണണം പ്ലീസ്” ദുല്‍ഖര്‍ പറഞ്ഞു. ‘പാന്‍ ഇന്ത്യന്‍ ആക്ടര്‍ എന്നതിന്‍റെ യഥാര്‍ത്ഥ നിര്‍വചനം ദുല്‍ഖര്‍ ആണെന്ന് നാനി പറഞ്ഞു.
ചെമ്പന്‍ വിനോദ്, ഷമ്മി തിലകന്‍, ശാന്തി കൃഷ്ണ, ചെന്നൈ ശരണ്‍, അനിഖ സുരേന്ദ്രന്‍, ഗോകുല്‍ സുരേഷ് തുടങ്ങിയവരാണ് മറ്റ് പ്രധാന കഥാപാത്രങ്ങള്‍. സംഗീത സംവിധാനം ജേക്സ് ബിജോയ്, ഷാന്‍ റഹ്മാന്‍ എന്നിവര്‍ നിര്‍വഹിക്കുന്നു. സംഘട്ടനം രാജശേഖറും ഛായാഗ്രഹണം നിമിഷ് രവിയും തിരക്കഥ അഭിലാഷ് എന്‍ ചന്ദ്രനും ഒരുക്കുന്നു. ഛായാഗ്രഹണം- നിമിഷ് രവി, സംഗീതം- ജേക്സ് ബിജോയ്, ഷാന്‍ റഹ്മാന്‍, എഡിറ്റിങ്- ശ്യാം ശശിധരന്‍.
