ഒടിടി പ്ലാറ്റ്ഫോമിലേക്ക്  ‘ഓഫീസർ ഓൺ ഡ്യൂട്ടി’

കുഞ്ചാക്കോ ബോബനും പ്രിയാമണിയും കേന്ദ്രകഥാപാത്രങ്ങളായി എത്തുന്ന  ചിത്രം ‘ഓഫീസർ ഓൺ ഡ്യൂട്ടി ’മാർച്ച്  20- നു നെറ്റ്ഫ്ലിക്സിൽ സ്ട്രിമിംഗ് ആരംഭിക്കും. ജിത്തു അഷ്റഫ് ആണ് ചിത്രം സംവിധാനംചെയ്തത്. ഹിന്ദി, തെലുങ്ക്, തമിഴ്, കന്നട എന്നീ ഭാഷകളിലും സ്ട്രീമിങ് ആരംഭിക്കും. നായാട്ട്, ഇരട്ട എന്നീ ചിത്രങ്ങളിലൂടെ അഭിനയത്തിൽ ശ്രദ്ധേയനായ സംവിധായകനാണ് ജിത്തു അഷ്റഫ്. മാർട്ടിൻ പ്രക്കാർട്ട് ഫിലിംസ്, ഗ്രീന് റൂം പ്രൊഡക്ഷൻസ് എന്നീ കമ്പനികളുടെ ബാനറിൽ സിബി ചവറ, രഞ്ജിത് നായർ എന്നിവരാണ് ചിത്രത്തിന്റെ നിർമാണം. ഷാഫി കബീർ ആണ് ചിത്രത്തിന്റെ തിരക്കഥ നിർവഹിച്ചത്. ഒരു പോലീസ് കഥാപാത്രത്തിന്റെ വേഷത്തിലാണ് കുഞ്ചാക്കോ ചിത്രത്തിൽ അഭിനയിച്ചത്. കൂടാതെ ജഗദീഷ്, വിശാഖ് നായർ എന്നിവരും ചിത്രത്തിൽ പ്രധാനകഥാപാത്രമായിഅഭിനയിച്ചിട്ടുണ്ട്. ഉണ്ണി ലാലു, മനോജ് കെ. യു, വൈശാഖ് ശങ്കർ, വിഷന് ജി. വാരിയർ, റംസാൻ മുഹമ്മദ്, ഐശ്വര്യ, ലേയ മാമ്മൻ, ജയ കുറുപ്പ്, എന്നിവരും ചിത്രത്തിൽ അഭിനയിച്ചു. ക്യാമറ റോബിൻ  വർഗീസ് രാജ, സംഗീതം ജേക്സ് ബിജോയ്.