പ്രേക്ഷകരെ കുടുകുടാ ചിരിപ്പിക്കുവാൻ സുരേശന്റെയും സുമലതയുടെയും ഹൃദയഹാരിയായ പ്രണയകഥ’ എന്ന ചിത്രത്തിന്റെ ഏറ്റവും പുതിയ ഗാനം പുറത്തിറങ്ങി.വൈശാഖ് സുഗുണന്റെ വരികൾക്ക് ഡോൺ വിൻസെന്റ് ആണ് സംഗീതം പകർന്നത്. സംഗീത സംവിധായകനായ സുഷിൻ ശ്യാം ആണ് ഈ ഗാനം ആലപിച്ചിരിക്കുന്നതും. ‘1000 കണ്ണുമായ്’ എന്നു പേരിട്ട സുരേശന്റെ ഓട്ടോറിക്ഷ മലയാളി സിനിമ പ്രേമികളുടെ മനസ്സിൽ പതിഞ്ഞതാണ്. രതീഷ് ബാലകൃഷ്ണ പൊതുവാൾ ആണ് ചിത്രം സംവിധാനം ചെയ്യുന്നത്. ജിനു ജോസഫ്, ബാബു അന്നൂർ, തുഷാര, സുധീഷ് കോഴിക്കോട്, ശരണ്യ എം തമ്പാൻ, അജിത്ത് ചന്ദ്ര, അനീഷ് ചെമ്പഴന്തി, ഷൈനി, ബീന കൊടക്കാട്, ലക്ഷ്മണൻ, തുടങ്ങിയവർ പ്രധാനകഥാപാത്രങ്ങളായി എത്തുന്നു.
നിറയെ ചിരിപ്പിക്കുന്ന സംഗതികളുമായാണ് സിനിമ വരുന്നത്. ചിത്രത്തിൽ രാജേഷ് മാധവൻ സുരേശൻ കാവുങ്കലായും ചിത്ര നായർ സുമലത ടീച്ചറായും എത്തുന്നു. കൂടാതെ കുഞ്ചാക്കോ ബോബനും മറ്റൊരു പ്രധാന വേഷത്തിൽ എത്തുന്നുണ്ട്. തികച്ചും വേറിട്ട രീതിയിലുള്ള പോസ്റ്ററുകൾ കൊണ്ട് ഇതിനോടകം തന്നെ സിനിമ ഏറെ ശ്രദ്ധിക്കപ്പെട്ടു കഴിഞ്ഞിരുന്നു. 1960, 1990, 2023 എന്നീ മൂന്ന് കാലഘട്ടങ്ങളിലൂടെ പോകുന്ന പ്രണയ മുഹൂർത്തങ്ങളാണ് സിനിമയിൽ. നാടാകെ നാടകം, ചങ്കുരിച്ചാൽ.. തുടങ്ങിയായ പാട്ടുകളും ശ്രദ്ധേയമായിരുന്നു. സിൽവർ ബൈ സ്റ്റുഡിയോസും സിൽവർ ബ്രൊമൈഡ് പിക് ചേഴ്സിന്റെയും ബാനറിൽ ഇമ്മാനുവൽ ജോസഫ്, അജിത്ത് തലപ്പിള്ളി, എന്നിവരാണ് നിർമ്മാണം. ഛായാഗ്രഹണം സബിൻ ഊരാളുകണ്ടി, എഡിറ്റിങ് ആകാശ് തോമസ്, വരികൾ വൈശാഖ് സുഗുണൻ, സംഗീതം ഡോൺ വിൻസെന്റ്.
