നിരവധി പൊലീസ് വേഷങ്ങളിലൂടെ പ്രേക്ഷകരിൽ ഇടംനേടിയ ജോജു ജോർജ്ജ് ‘ആരോ’ എന്ന പുതിയ ചിത്രത്തിലൂടെ വീണ്ടും പൊലീസ് കഥാപാത്രമായി എത്തുന്നു. ചിത്രം മെയ് 9- ന് തിയ്യേറ്ററുകളിൽ എത്തും. കരീം കഥ എഴുതി സംവിധാനം ചെയ്യുന്ന ഈ ചിത്രം വി ത്രീ പ്രൊഡക്ഷൻസിന്റെയും അഞ്ജലി എന്റർടൈമെന്റ്സിന്റെയും ബാനറിൽ വിനോദ് ജി പാറാട്ട്, വി കെ അബ്ദുൽ കരീം, സാം വർഗീസ് ചെറിയാൻ, ബിബിൻ ജോഷ്വാ ബേബി എന്നിവരാണ് നിർമ്മാണം. റഷീദ് പാറയ്ക്കലും കരീമും ചേർന്നാണ് ചിത്രത്തിന്റെ തിരക്കഥയും സംഭാഷണവും.
ജോജു ജോർജ്ജ്, അനുമോൾ, കിച്ചു ടെല്ലസ്, സുധീർ കരമന, മനാഫ് തൃശ്ശൂർ, ജയരാജ് വാര്യർ, മാസ്റ്റർ അൽത്താഫ് മനാഫ്, കലാഭവൻ നവാസ്, സുനിൽ സുഖദ, ശിവജി ഗുരുവായൂർ, അജീഷ് ജോൺ, മാസ്റ്റർ ഡെറിക് രാജൻ, ടോഷ് ക്രിസ്റ്റി, അഞ്ജൂ കൃഷ്ണ, അനീഷ്യ, അമ്പിളി, ജാസ്മിൻ ഹണി തുടങ്ങിയവർ ചിത്രത്തിൽ അഭിനയിക്കുന്നു. ഛായാഗ്രഹണം മാധേഷ് റാം, എഡിറ്റിങ് നൌഫൽ അബ്ദുള്ള, ഗാനരചന റഫീഖ് അഹമ്മദ്, സംഗീതം ബിജിപാൽ.
